Read Thado Chin NEHEMIAH 3 Bible Online

NEHEMIAH 3 - Thado Chin bible

NEHEMIAH 3

¹Chuin thempu chungnung Eliashib chu asopi thempu dang hotoh akipat doh-un, kelngoi hongkot chu asemphaovin, asuthengun, chule akotkhah ho asutouvin Meah insangle Hananeel insang geijin asuthengun ahi.

²Chule hiche bana hin Jericho miten asauvin ahi. Chule amaho bankitna chun Imri chapa Zaccur chun asan ahi.

³Ahin Hasseneaah chapaten ngakul kotpi laichu asemun, ajol chengsetoh ajamun, chule akot jousetoh atouvin, akamnading holeh athihlhon jong atouve.

⁴Chule amaho banin Koz chapa Uriah chapa Meremoth in asemphan ahi. Chule amaho bana hin Meshezabeel chapa Berechiah chapa Meshullam'in asemphan ahi. Chule amaho bana hin Baana chapa Zadok'in asemphan ahi.

⁵Chule amaho bana hin Tekoa miten asemphaovin, amilen amilalteu chu hiche a-pakaiyu natohna-a hin athunoija akunpouve.

⁶Hiche chungchon hin akotpi luichu Paseah chapa Jehoiada le Besodeiah chapa Meshullam'in asemphaovin, ajolpi ajamun akot jouse atouvin, akamnading hole athihjol jong atouve.

⁷Amaho bana hin Gibeon mi Melatiah le Meronoth mi Jadon le vadunglen gallama gamvaipo Gibeon mite Mizpeh mihon asemphaovin ahi.

⁸Abana hin sana khengho lah-a pang Harhaiah chapa Uzziel'in asemphan ahi. Abankitna chun thao namtui semho chapa khat Hananiah in asemphan, chule Jerusalem kulbang satah geijin kul akhokhum taovin ahi.

⁹Amaho bana hin Jerusalem khopi kehkhat vaipo-a pang Hur chapa Rephaiah in asemphan ahi.

¹⁰Chule amaho bana hin Harumaph chapa Jedaiah'in ama inmai dontah chu asemphan chule ama bana hin Hashabnah chapa Hattush'in asemphan ahi.

¹¹Harim chapa Malchijah le Pahath-moab chapa Hashub'in amaho semnaban alangkhat chu asemphan, meilum insang chan geijin asemphan ahi.

¹²Chule abana chun Jerusalem kehkhat chunga vaihom Hallohesh chapa Shallum'in achanu tetoh asemphaovin ahi.

¹³Phaicham kotpichu Hanun le Zanoah chenghon asemphaovin, amahon asaovin kotkhah ho atovin akamnading holeh athihlhon hojong atovin, chule Ehbohna kotpi changeijin akulbang tong sangkhat asemun ahi.

¹⁴Ahinla ehbohna kotpi lamchu Beth-haccerem gamkaikhat vaipopa Rechab chapa Malchiah in asemphan, asan, akotkhahho atungdoh-in akamnading hole athih lhonho jong aton ahi.

¹⁵Ahin Mizpah gamkaikhat vaipopa Col-hozeh chapa Shallun'in twinah kotpi chu asemin, asan, chule aloijolsoh-in, chule akotkhah ho atung doh-in akamnading holeh athihgol hojong asemin, chule lengpa hon pama Siloah twikul chu David khopi lam jotsuhna kalbi chanin asemphai.

¹⁶Chule abanin Azbuk Beth-zur gam kehkhat vaipopa chapa Nehemiah chun David lhankhuh toh kigalsaile twikul kisem nalam le mihangsan ho in changeijin, asemphan ahi.

¹⁷Ama jouvin Levi holeh Bani chapa Rehum'in asaphan ahi. Abanin Keilah gam kehkhat vaihoma pang Hashabiah chun ama gamchan chu thalhengin asemphai.

¹⁸Ama banin Keilah gam kehkhat vaipopa Henadad chapa Bavaile asopihon asemphaovin ahi.

¹⁹Chule ama banin Mizpeh gam vaipo Jeshua chapa Ezer chun gal manchah kholna kul ningkoi jottouna jonchu asemphan ahi.

²⁰Ama jouvin Zabbai chapa Baruch chun phatchom ngaitah-in mun behkhat, kul ningkoi apat thempu chungnung Eliashib in kotpi phung geijin asemphai.

²¹Abanin Koz cha Uriah chapa Meremoth'in, mun behkat Eliashib in kotkhah apat Eliashib in monglam chanin asemphan ahi.

²²Chule ama banin phaicham miho le thempuhon asemphaove.

²³Amaho bana hin Benjamin mitele Hashub miten amani in donchu asempha lhonin ahi. Chujouvin Ananiah cha Maaseiah chapa Zariah'in ama in kom chu asemphan ahi.

²⁴Abanin Hanadad chapa Binnui'in mun behkhat Azeriah in-apat kulbang ningkoi chan asemphan ahi.

²⁵Uzai chapa Palal'in kulbang in ningkoito kigalsai le lengpa insanga kona hung sangdoh, songkul tangho, thukitana vela insang chungnung chu asemphan ahi. Aban chu Parosh chapa Pedaiah'in asemphan ahi.

²⁶Chukal valin Ophel'a cheng Nethinim ho chun niso lampanga twikul kotpi kigalsai, in kisa sangdoh geijin asaphaovin ahi.

²⁷Aban chu Tekoa hon mun behkhat insang lenpi kisajumdoh jonleh Ophel kulbang chanin asaphauve.

²⁸Amaho banin thempuhon sakol kotpi chunglama pat, ama ama injoncheh asemphaovin ahi.

²⁹Immer chapa Zadok'in amaho bana hin, ama injon asemphan ahi. Abanchu niso lam kotpi ngah-a pang Shechaniah chapa Shemaiah'in asemphan ahi.

³⁰Abana hin Shelemiah chapa Hananiah le Zalaph chapa agupna Hanun'in mun behkhat asemphaove. Abana hin Berechiah chapa Meshullam'in ama indanjon chu asemphan ahi.

³¹Ama bana hin sana kheng chapa Malchiah'in, Nethinim ho umna mun Miphkad kotpi chanleh kivei miho inchan asemphan ahi.

³²Aning jottouna lampile kelngoihong kotpitoh kikah chu, kivei miho leh sana khenghon asemphaove.