Read Thado Chin NEHEMIAH 7 Bible Online

NEHEMIAH 7 - Thado Chin bible

NEHEMIAH 7

¹Tun ahitin ahi, kulbangho kasemuva kotkhah ho katundoh uva, kotngah ho, lasa loile Levi ho kapansah jouvun,

²Kasopi Hanani leh leng ina vaihom Hananiah, amani hi Jerusalem vaipo din kathupeh-in, amahi mi kitah tahsan umtah ahin, chule midang sanga Pathen ging ahi.

³Chule ajah uvah, Jerusalem kotpihi nisa asatdoh kahsen kihonda henlang, kotngah ho dinpetin, kotjouse khah-u henlang, kamsoh keijuhen, chule kotngah-a pangdin Jerusalem'a chengho lhengdoh unlang, ama ama ngana munchehle, ama ama injoncheh akingadiu ahi, kati.

⁴Tun khopi chu alenin, chule ajaolheh-in, ahin amihem alhom nalaijin chule inho jong sahjou loulai ahi.

⁵Chuin ka Pathen'in kalung gila milen milal ho, vaihomho chule mipi ho kou khomsoh keija, aphungkhai khaija aminu simdin kalunggil ahetsah-in ahi. Chule anachetou masaho phung kaija minbu sutna chu kamudoh-in, hia chun hitia kisunhi kamun, ahi.

⁶Hitehohi agamsung chate chu ahiuve amaho gal hinga kikaina mun'a kona hungkitol tou ahiuvin, Babylon lengpa Nebuchadnezzar chun anatolmanga, Jerusalemle Judah a hungkile kitnuva, ama khopi cheh ahinkijot kitnu, ahi.

⁷Amaho chu Zerubbabel toh hungkhom; Jeshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, Baanah ahiuve. Israel mipi lah-a amijatmong chu hichehi ahi, kati.

⁸Parosh chate sangni le jakhat le somsagi le ni.

⁹Shephatiah chate jathum le somsagi le ni.

¹⁰Arah chate jagup le somnga le ni.

¹¹Jeshua le Joab sonho Pahath-moab chate sangni le jaget le somleget ahiuve.

¹²Elam chate sangkhat le jani le somnga le li.

¹³Zattu chate jaget le somli le nga.

¹⁴Zaccai chate jasagi le somgup.

¹⁵Binnui chate jagup le somlileget.

¹⁶Bebai chate jagup le somni le get.

¹⁷Azgad chate sangni le jathum le somnileni.

¹⁸Adonikam chate jagup le somgup le sagi.

¹⁹Bigvai chate sangni le somgup le sagi.

²⁰Adin chate jagup le somnga le nga.

²¹Ater, Hezekiah tia jong kikou, chate somko le get.

²²Hashum chate jathum le somni le get.

²³Bezai chate jathum le somnileli.

²⁴Hariph chate jakhat le somleni.

²⁵Gibeon chate somko le nga.

²⁶Bethlehem le Netophah mi jakhat le somget le get.

²⁷Anathoth'a mi jakhat le somni le get.

²⁸Beth-azmaveth'a mi somlileni.

²⁹Kirjath-jearim, Chephirahle Beeroth mi jasagi le somli le thum.

³⁰Ramah le Geba a mi jagup le somni le khat.

³¹Michmas mi jakhat le somnileni.

³²Bethel le Ai'a mi jakhat le somni le thum.

³³Nebo khatjopa'a mi somnga le ni.

³⁴Elam chomkhat chate sangkhat le jani le somnga le li.

³⁵Harim chate jathum le somni.

³⁶Jericho chate jathum le somli le nga.

³⁷Lod, Hadid le Ono chate jasagi le somni le khat.

³⁸Senaah chate sangthum le jako le somthum.

³⁹Thempuho: Jeshua insung kon Jedaiah chate jako le somsagi le thum.

⁴⁰Immer chate sangkhat le somnga le ni.

⁴¹Pashhur chate sangkhat le jani le somli le sagi.

⁴²Harim chate sangkhat le somlesagi.

⁴³Levi ho: Hodevah chate akon Jeshua le Kadmiel chate somsagi le li.

⁴⁴La saho: Asaph chate jakhat le somlileget.

⁴⁵Kotngah ho: Shallum chate, Ater chate, Telex Talmon chate, Akkub chate, Hatita chate, Shobai chate jakhat le somthum le get.

⁴⁶Nethinim ho: Ziha chate, Hashupha chate, Tabbaoth chate.

⁴⁷Keros chate, Sia chate, Padon chate.

⁴⁸Lebanah chate, Hagaba chate, Shalmai chate.

⁴⁹Hanan chate, Giddel chate, Gahar chate.

⁵⁰Reaiah chate, Rezin chate, Nekoda chate.

⁵¹Gazzam chate, Uzza chate, Phaseah chate.

⁵²Besai chate, Meunim chate, Nephushesim chate.

⁵³Bakbuk chate, Hakupha chate, Harhur chate.

⁵⁴Bazlith, Mahida chate, Harsha chate.

⁵⁵Barkos chate, Sisera chate, Thamah chate.

⁵⁶Neziah chate, Hatipha chate.

⁵⁷Solomon soh ho chate sotai chate. Sophereth chate, Perida chate.

⁵⁸Jaala chate, Darkon chate, Giddel chate.

⁵⁹Shephatiah chate, Hattil chate, Zebaim mi Pochereth chate, Amon chate ahiuve.

⁶⁰Nethinim jouse toh Solomon soh ho chilhah chu jathum le somko le ni ahiuve.

⁶¹Chule Temalah, Talharesha, Cherub, Addon le Immera kona hungtou hochu hichehohi ahiuve, ahinla apu apa sonholah-a achilhah ho chu Israel mi ahiule ahilouvu chu asutthei tapouve.

⁶²Delaiah chate, Tobiah chate, Nekoda chate sechu jaguple somlileni ahiuve.

⁶³Chule thempuho lah-a, Habaiah chate Barxillai chate Gilead mi Barzillai chanute lah-a khat akichenpia, aminu dungjuija kisah ahi.

⁶⁴Mi hichenghin phungmin kisutna lah-a, aminu aholun, ahinla amujou tapouve. Akisuhboh jeh-un, a thempu hinaova konin akihaisahtaove.

⁶⁵ Chule Tirshatha'in amaho jah-a, thempu chun Urim le Thummim akibeha adin kahse-a, thiltheng chungnung chu anehthei loudiu ahi, ati.

⁶⁶Mipi kikhomho jouse chu abonchauvin, sangsomli le sangni le jathum le somgup ahiuve.

⁶⁷Asohho numei le Pasal sangsagi le jathum le somthum le sagi simtha louvin la saloi numei le Pasal jani le somli le nga ahiuvin,

⁶⁸A sakol houchu ja sagi le somthum le gup, sanganho chu jani le somli le nga ahiuve.

⁶⁹A sangongsao vuchu jali le somthum le nga ahi.

⁷⁰Chule Pa te lah-a lamkai phabepmin natohna dingin atoh doh un ahi. Tirshatha gam vaipopan sana tena sangkhat, twikong somnga, thempu von janga le somthum, sumkhol na-a atohdohe.

⁷¹Chule insung luboh mi phabep honjong sumkhol na-a din sana tena sangsomni chule dangka tena sangni le jani atohdoh-un, ahi.

⁷²Chule midang jousen apeh uchu sana tena sangsomni le dangka tena sangni, chule thempu von somgup le sagi ahi.

⁷³ Hitihin thempuho, Levi ho, kotngah ho, lasaho mi phabep le Nethinim ho, chule Israel jouse chu ama ama khopi cheh-a achengcheh un, ahi. Lhasagi ahunglhin phatnin Israel chate chu akhopicheh uvah aumtaove.