Read Thado Chin Potdohbu 27 Bible Online

Potdohbu 27 - Thado Chin bible

Potdohbu 27

¹Chule thinggi thinga kisem maicham khat nasemding, hichu adung tong nga, avai tong nga hiding; chule maicham chu aningli kibang hiding: chule asan tong thum hiding ahi.

²Chule aning li ho chunga chu akiho nasemding, akiho chu kithakhat ding; chule hichu sum-enga nalonkhum ding ahi.

³Chule avutvam ho dona ding kongho nasemding, vut lona kheho, akongtong, asakoika ho, chule achaiche ho jong, hiche um le bel ho jouse chu sum-enga nasemding ahi.

⁴Chule hicheng ding chu sum-eng kiphan len nasemding; chule len chunga aning liho-a chu sum-eng chaokol nabuding ahi.

⁵Len chun maicham noilam gei ahin phahna dinga, len chun maicham kim aphah ding ahi.

⁶Chule maicham putna dinga chu mol lhon, thinggi thing mol lhon nasemding; chule hiho chu sum-enga nalonkhum ding ahi.

⁷Chule mol lhon hochu chaokol hom sunga chu nathil lut ding, chule aputna dinga maicham langto-a mol lhon chu umding ahi.

⁸Thingpeh hochu alai homa nasemding: molsang chunga nakimusah banga chu asem dingu ahi.

⁹Chule houbuh hong sung nasemding: lhanglam panga hongsung dinga chu tupat ngatsel kilhuhkop, langkhat pang dinga tong jakhat sao ponjal kikhai ding ahi.

¹⁰Chule akhom somni chule khom butona koho somni chu sum-eng hiding: akhom koikaho le agol laiho chu dangka kilonkhumsah hiding ahi.

¹¹Chutobang machu sahlamsanga dinga adung tong jakhat sao kikhai pondal le khom somni, chule sum-eng khom butona koho somni umding ahi. Akhom koikaho le agol laiho chu dangka kilonkhum hiding ahiuve.

¹²Chule lhumlam sang hongsung availam ding akikhai pondal kikhai tong somnga hiding: akhom som le khom bul butona ko som hiding ahi.

¹³Chule solama um hongsung availam solamsang chu tong somnga hiding ahi.

¹⁴Kotpi sihlang khatna pondal kikhai chu tong somlenga hiding, chule akhom thumtoh akhombul butona ko thum toh hiding ahi.

¹⁵Chule asih chomlang khatna chu pondal kikhai tong somlenga umding: akhomho thumtoh akhombul butona ko thumtoh umdiu ahi.

¹⁶Chule ahongsung kotpi dinga chu pondal kikhai tong somni, adum, asandup, asanthip, tupat ngatsela kilhuh khutthem tah-a kijemho chu kidah ding ahi. Akhomho chu li hiding, akhombul butona ko chu li ma hiding ahi.

¹⁷Ahongsung kimvela khomho jouse chu dangka kilonkhum hicheh ding, akoikaho chu dangka-a kisem hiding; chule akhombul butonaho chu sum-eng hidiu ahi.

¹⁸Ahongsung chu adung tong jakhat, availam chu tong somnga, chule asan ngatsela kikhuh kopma kikhong tupat pon chu tong nga hiding; chule akhombul butonako hochu sum-eng hiding ahi.

¹⁹Houbuh kinbolna jouse-a kongle bel ho jouse le athil kilnaho jouse, chule hongsung kilna ho jouse chu sum-eng hiding ahi.

²⁰Chule thaomei chu avahjing theina dinga, Israel chate chun olive thaochim kiheh lha nahenga ahinchoi jingna dinguva nathupeh ding ahi.

²¹Mipi kikhopna houbuh hettohsahna masanga pondal polama chu Aaron le achapate chun Pakai angsunga nilhah-a pat jingkah changeija avet tup dingu ahi. Israel chate thalhenga akhang lhumkei juva chona dan hiding ahi.