Read Thado Chin Job 11 Bible Online

Job 11 - Thado Chin bible

Job 11

¹Chujouvin Naamath mi Zophar chun adonbutnin, hitin aseije,

²Thu hijatpihi donbut louva umthei dingham? chule mihem khatchu thusei tamjeh-a them kichanthei dingham?

³Najou hohin miho asuhthip thei dingham? mi i-sah louva nabol tengle koiman eijumso ponte natiham?

⁴Ajehchu nangman kathuhil hi athenge, chule namitmuva kangime natin ahi.

⁵Ahinla, oh! Pathen'in thu seihen lang, chule nangma douna-in akam kataleh;

⁶Chutengle aman akisei chihna thuguh ho chu nangma namusah intin, hicheho chu hiche aumsa sanga hi achan ni-a tama ahin, Pathen'in nakhanset jala nathoh dingdol sanga lhomjo nachunga angeh ahi hi kihetnin.

⁷Nangman Pathen chu nahol vanga namudoh theiham? hat chungnung chu chamkim keija naholdoh thei dingham?

⁸Hichehi van banga sanga ahin, ipi nalo theiding ham? thikholkhul sanga thuhjo ahin, ipi nahetjou dingham?

⁹Atena chu leiset sanga saojo ahin, chule twikhanglen sanga jaojo ahi.

¹⁰Aman tanbong hen, chule khahchah hen, ahiloule khomtup henlang hile koiham ama sutang jouding?

¹¹Ajehchu aman pannabei miho chu ahen; aman khan gitlounaho jongchu amunai; chuti ahileh aman hichu angaito louding ham?

¹²Ajehchu gamlah sangan nou bangin mihem chu peng tajongle, pannabei mihem chu hungching ding ahi.

¹³Nangman nalungsung chu nagot tupma, nakhut teni-a ahenglam nasan dinga ahileh;

¹⁴khansetna chu nakhutna auma ahile, gamlatah-a koimangin, chule khan gitlouna chu naponbuh sunga chensah hih-in.

¹⁵Chutengle nolna umlouvin namai dadohsah-in natin; chule kichalouva nadindet ding ahitai.

¹⁶Ajehchu nangman nathohgimna chu suhmilin natin, chule akitol mangsa twiho banga nagelding ahitai.

¹⁷Chule nahinkho hi sunlai sanga thengjoding, nangman navah nasodoh-a, jingkah toh nabahding ahi.

¹⁸Chule nangma huhtupma naum ding ahi, ajehchu hichea chun kinepna aumtan; henge, nangman nachung chang nakikhol ding; chule kihuhtupna mun'a nangma nacholngah ding ahi.

¹⁹Chule nangma lummin natin, koimachan nakichat sah tah louding, hiteng chule mitam tah-in nahenga ngehna anei diu ahitai.

²⁰Ahinla mikhangilou ho mitvang chu losam ding, chule amaho hoidoh loudiu; chule akinepna chu alhagaovu lhadoh ding bou ahi.