Read Thado Chin Job 14 Bible Online

Job 14 - Thado Chin bible

Job 14

¹Numeija hung penga mihem hinkho hi nichomcha bou ahin, chule lungkham nan adimsetne.

²Pahcha bangin ahung pahdoh jin, chule akisat tan jitai; ama nilim kihei bangin alhaijin, atangden jitai.

³Hitobang bep mi khat hi nangin namit lhuh jinga, chule nahenga thu kitan dinga neipui lutjiham?

⁴Kon thilthenglou lah-a kona thiltheng alahdoh theijem? koima cha aumpoi.

⁵Ama hin nikho hi tepsa ahin, ahinkho lha ho jong nangkoma umah ahin? aman akhokhel louna din nangin agamgi nasempeh-in;

⁶Thalah tobang ahin nikho hi, aman lhumkah-a acholdo theina din, ama-a konin kiheimangin.

⁷Ajehchu thingphung khat chu kiphuh lhu jongle, ajih ahung dondoh kitding le, chule hiche abah kisepthah chu atanden louding kinepna aneijin ahi.

⁸Ajung chu leinoi'a motgam henlang, aphungbul chu leinoi'a thi jongle;

⁹Twija konin hichu hung mumdoh kitnintin, chule thingphung banga abah ahinsepdoh nahlai ding ahi.

¹⁰Ahin mihem athin, manthei louvin paimang ahijitai: henge, mihemin alhagao alhajin, hoija umji-a hitam?

¹¹Twipia kona twiho alhahsam bangle, twisoh lai akana agot jeng bangin;

¹²Hitichun mihem chu a-imu miljin, athoudohji tapoi; vanho jouse abeito kahse-a amaho khang taloudiu, alupnaova kona thou jong thou taloudiu ahitai.

¹³O nangin nalungsatna abeikah-a guh thima neikoija, lhan khuh sunga hi neisel ding hija; nangin keija dinga phat khat neitep peh-a, chule neigeldoh kit ding hitavele!

¹⁴Mihem khat athile ahingkit dem? kakikhelna ding nikho ahung lhun kah-a, keiman eikiteppeh phat nikho ho chu kanga ding ahi.

¹⁵Nangman neikouvin natin, keima kahou ding; nangman nakhutsem chunga hi ngaichat nahin neiding ahi.

¹⁶Ajehchu tun nangin kakalse jat nasima; chule kachonsetna hi navet lhih jing hilouham?

¹⁷Kasuhkhelna hi sakhao sunga khumtupmin aumin, chule kakhan gitlouna nangin nakhui chahjin ahi.

¹⁸Chule thonlou hella molsang hung chimma ahal halla mang ding, chule songpi chu aumna-a kona kitoldoh ding ahi.

¹⁹Twijin song ho alhoh mangin; nangin leivui lah-a kona hung kehdoh thil jouse chu twijin nasumangin, chule mihem kinepna chu nasumang tan ahi.

²⁰Nangin ama a-imatih-a din najouvin, ama achetai; nangin amaiso nakhel peh-in chule nasolmangtan ahi.

²¹Achapate chu jabolna pedin ahungun, ahin aman hichu ahetapoi; amaho suhnemin aumtaovin, ahin aman amaho ageldoh tapon ahi.

²²Ahinla atahsa chun natna athoh ding, chule ama-a um hinna chun pul adou ding ahi.