Read Thado Chin Job 26 Bible Online

Job 26 - Thado Chin bible

Job 26

¹Ahinla Job'in adonbutnin, aseije:

²Nangin tha neilou mi chu iti nakithopi-a, tha neilou ban chu iti nahuhdoh-am?

³Chihna neilou mi chu nangin iti nathumop ma? chule ahina banga thilchu iti lhingsetna naphondoh am?

⁴Koi koma nangin thuho naseijam? Chule nanga kona koi lhagao hungdoh am?

⁵Thil thiho jousele chuche-a chengho jouse chu, twinoija kona kisem ahi.

⁶Damun chu ama masanga agohkeo ahin, chule suhmangna chun akhu ding ima aneipoi.

⁷Aman sahlam chu ahomkeo mun chunga ajah doh-in, chule leiset chu imacha umlouva akhaijin ahi.

⁸Aman twiho chu meilom satah-in atomchah-in; chule amaho noija chun meilhang chu akehpon ahi.

⁹Aman alaltouna maichu akhukhumin, chule ameilhang chu achunga chun akijal sah-e.

¹⁰Sunle jan ahung kichai kahsen, aman twiho chu gikhatnin aumkim velin ahi.

¹¹Aman apho tengle van khompiho akithing jin, chule kidang asaovin ahi.

¹²Aman athaneina-in twipi ahom khenin, chule ahetthem na-in kiletsah ajepjin ahi.

¹³Aman alhagaovin vanho ajem hoijin, ama khut chun dihna neilou gul chu aseme.

¹⁴Veovin, hiche hohi ama lampiho ahin, ahinla ama thudol hi ichana kija lhoma hitam? athaneina van kithing tobanghi kon ahetthem thei ding ham?