Read Thado Chin Job 32 Bible Online

Job 32 - Thado Chin bible

Job 32

¹Hitichun hiche mithumho chun Job chu ama le ama mitmu-a achonphat jehchun, adonbutnu chu anga taovin ahi.

²Chujouvin Ram inkon Buz mi Barachel chapa Elihu lunghanna chu akoujah-in, Job douna-a ama deojah-a ahi, ajehchu ama Pathen sangin akithem chanin ahi.

³Amagolte thum ho douna-in jong alunghan adeujah-e, ajehchu amahon adonbutna ding amujou pouvin, hinlah Job chu themmo achanun ahi.

⁴Tun amaho chu ama sanga upajo cheh ahijeh-un, Elihu'n Job thusei kichai chu angahjing nalaijin ahi.

⁵Elihu'n hiche mi thumho kamsunga donbutna aumlou amu phatnin, alunghana adeujah tai.

⁶Chuin Buz mi Barachel chapa Elihu chun adonbutnin: keima khangdong kahin, nangho upatah cheh nahiuve; hijeh-a chu keima kakichatna, kalunggel nangho kavetsah ngamlou ahi.

⁷Upaho chun seijuntin, chule kum tamtah ho chun chihna hilinte, katin ahi.

⁸Ahinla mihem'a hi lhagao uma ahin, chule Hatchung nungpen hu haikhumna chun amaho chu hetkhenthem theina apeh ahi.

⁹Milenho chu ching jing jengu ahipon, mi kumtam hon jong thutanlhah themna ahetdeh-u ahipoi.

¹⁰Hijeh chun kathusei ngaijun, keiman jong kalunggel vetsah uvinge, kati.

¹¹Vetan, nathuho chu kangah-in, ipiseiding ham tia nanghon nahol laiju chun nakihoulim naova kanakhang kanasungin ahi.

¹²Henge, lunglut tah-in nathuseiju kangaijin, chuleh veuvin, nalah uva Job noplhah sahthei, ahiloule athuho donbut theiding khatcha na-umpouve.

¹³Keihon chihna kamudoh taove, tin seikhaovin nate, mihem ahipon Pathen'in ama asuhlhuh ahibouve.

¹⁴Tun aman athuho chu keima douna ahipon, hijeh-a chu nangho thusei ho-a chu ama kadonbut louding ahi.

¹⁵Amahon kidang asauvin adonbutbe tapouve, thu asei tapouve.

¹⁶Keiman kanga-a chun, (ajehchu amahon thu aseitapouvin, ading dennun, adonbut be tapouve;)

¹⁷Kadonbut dingdol chu donbut ningting, kalunggel jong vetsah ingkate, kanatie.

¹⁸Ajehchu keima thu-in kadimsetnin, kasunga kalhagao hin eisol teitei tan ahi.

¹⁹Veuvin, ka oipoh hi akising chah ju toh abangtai, hichehi juhai thah pohkeh ding kigo tobang ahitai.

²⁰Kahaldoh kit theina dingin keiman thu seijinge; kakam kangting donbut ning kate.

²¹Nahenga katao ahi, mi koimacha langneina musah dang ting, Pachat lhem thucheng mihem'ah pejong peponge.

²²Ajehchu keiman pachat lhem thucheng pehje kahepon, hitichun bol taleng eisempan eilahdoh loiding ahi.