Read Thado Chin Labu 10 Bible Online

Labu 10 - Thado Chin bible

Labu 10

¹Vo Pakai, ibolla gamlatah-a ding nahim? Lungkham laija ibola kisela nahim?

²Migilou chun ahoithona lamin mivaicha asugentheijin; athilgonu chun amaho kipalsah jinghen.

³Ajehchu migilou chun alung ngaichat asongin, Pakaiyin ahotlam kilosetna-a chun amaho anun nomui.

⁴Migilou chun ahoithona maiso-a konin Pathen holponte: Pathen chu ama ngaitona jouse-a aumpoi.

⁵Alamlhah jouse phattinin lungkhamna jeng ahin; nathutan lhahho chu sangtah-a um ahin, amuphapon; amelmate jouse chu anuisatnin ahi.

⁶Aman alungsunga, keima kiling ponge; ajehchu kidoupi kanei louding ahi, ati.

⁷ Akamsung chu gaosapna, joulhepna, dohabolna adimsetnin; alei noija setnale mohthuhomkeu bou aume.

⁸Ama khotina kichanlhih na munho-a atoujin; munthip ho-a themona neilouho athatjin: amit tenin panpibei ho guhthimin avelhin ahi.

⁹Akosunga keipi bahkai bangin guhthimin akiselin achanglhi jin; migenthei chu matdin achangin, alensunga aloilutnin amanjitan ahi.

¹⁰Migenthei chu amihatpa koma alhuh nadin, ama akineosah-in tolla abohkhup jin ahi.

¹¹Aman alungthimin, Pathen'in asumilin, amai aseltai atin, aman itih-in mutaponte, ati.

¹²Vo Pakai, vo Pathen, thouvin lang nakhut domsangin, mikineosah ho chu sumil hih-in.

¹³Ipidinga mikhang gilouvin Pathen anoise ham? Aman alungsunga, nangin hichehi ngaichapon nate atin ahi.

¹⁴Ajehchu ven thilphaloule thangthipna nakhutna phulahding chu nangin namutai. Migenthei chu nahenga ahung kipelutnin; nangma pabeiho panpi chu nahi.

¹⁵Mi engsele miphalou banjang suhboh peh-in, agitlouna naholmohel kahsen holin.

¹⁶Pakai chu atonsot atonsotna leng ahin; Agamsunga kona Pathen hephalouho amangthah uve.

¹⁷Pakai nangin mi kineosah ho ngaichat najah peh-in, nangman alungthimu nagot pehding, chule najahna dinga nakol nasun ding ahi.

¹⁸Leiset mihemin abolgenthei kitlouna dinga, paneilou leh bolgentheija umho thu chu natanpeh ding ahi.