Read Thado Chin Labu 108 Bible Online

Labu 108 - Thado Chin bible

Labu 108

¹David Labol Vo Pathen, kalunghi adetne; keiman la sangting navahchoi jinge, kaloupina jengin jong.

²Tumging le selangdah ho khangun, keiman thingjangvah chu sukhang inge.

³O Pakai mipi lah-a nangma vahchoi jingting, namtin lah jenga jong nangma vahchoi la sange.

⁴Ajehchu nahepina vanho sangin asangjon, nakitahna chun meibol holah aphan ahi.

⁵Pakai nangma vanho chungvuma choisangin umin; chule naloupina chu leiset pumpi chungvuma umhen.

⁶Nami ngailut ho chu huhdoh-a aumtheina dingin, nakhut jet lamin neihuhhing in lang, nei donbutnin.

⁷Keima kipah ingting, Shechem chu kahop khending, chule Succoth phaicham katedoh ding ahi, tin Pathen'in athenna-in anaseije.

⁸Gilead keija ahin, Manasseh jong keija ahi; Ephraim jonghi kalu thahatna ahin, Judah hi kadanthu pepa ahi;

⁹Moab kakisilna bel ahin, Edom chunga ka kengkoh kaselhah ding, Philistine chunga jona kanei ding ahi.

¹⁰Khopi dettah-a koiham eipuilut dinga? Koijin Edom sunga eipuilut ding ham?

¹¹Vo Pathen, eipaidoh uva nang nahi hilou ham? Vo Pathen, kajanel houtoh nakondoh khom hilou ham?

¹²Lungkham na-a konin neipanpi uvin, ajehchu mihem panpina chu pannabei ahi.

¹³Pathen jal-in hangtah-in pangu vinge, ajehchu kagalteo chotphading ama ahi.