Read Thado Chin Labu 112 Bible Online

Labu 112 - Thado Chin bible

Labu 112

¹Pakai chu vahchoijin umhen. Pakai ginga chule athupehho jouse-a kipah-a michu anunnom ahi.

²Leichunga achilhahte hung hatdiu, mikitah ho khang chu phattheiboh changding ahi.

³A-insunga neile gou le haona umding, achonphatna chu imatih chana umding ahi.

⁴Mikitah ho dingin muthim lah jenga jong kho avahjin; ama lungset them, milainatpina dimset le chonphatah ahi.

⁵Mipha chun mi asulunglhaijin, thilpha ahomin; chingtheitah-a akhosahdan akivetphat ding ahi.

⁶Tahbeh-a ama a-imatih chana longlou ding; michonpha chu atonsotna hetna umjing ding ahi.

⁷Aman thuse akichat louhel ding; alung adetnin, Pakai atahsanin ahi.

⁸Alungthim kiphut detna ahin, amelmate chunga angaichat amukahse-a, ama kichalou ding ahi.

⁹ Aman athe jal-in, mivaichate apen, achonphatna chu a-imatih chana umjing ding; aki chu jabolna-a choisanga umding ahi.

¹⁰Migilouvin hichu muntin lungkham ding, aha agela, junmang ding ahi; migilou ngaichat chu mangthah ding ahi.