Read Thado Chin Labu 116 Bible Online

Labu 116 - Thado Chin bible

Labu 116

¹Keiman Pakai kangailui; ajehchu aman ka aw leh kataona eijahpeh tan ahi.

²Ajehchu aman kahenglama ana asungin, hijeh-a chu kahin laise-a ama kakoujing ding ahi.

³Thina lung gentheina-in eium kimvelin, thilkholkhul thohlel nahon eimanin, lungkhamna le lungdonna katoh-in ahi.

⁴Chujouvin keiman Pakai min kakouvin, vo Pakai, kangeh nahi, kahinna huhhingin, kati.

⁵Pakai chu lungset themle chonphatah ahi; henge, i Pathen'u hi hepina-a dim ahi.

⁶Pakaiyin milhamho ahoitupmin, keima eiki sunem in, ahin aman eipanpie.

⁷Vo kahinna nacholngahna-a kiletan, ajehchu Pakaiyin naning lhinsah tan ahi.

⁸Ajehchu nangin kahinkho thina-a kon, kamit mitlhi-a kon, chule kakeng jong lhahmangna-a konin, nahuhdoh tan ahi.

⁹Mihing gamsunga chu, Pakai masanga kavale ding ahi.

¹⁰ Keiman katahsanin, hijeh-a chu kasei ahi, nasatah-a bolgenthei kanahi.

¹¹Mijouse hi ajouve, tin kana seiloi chelle.

¹²Keidinga aphatchom naho jeh-a, Pakai chu ipi kapeh ding hitam?

¹³Huhhingna khon chu domsang ingting, Pakai minchu kou ing kate.

¹⁴Tun amite jouse masanga, Pakaiya kakitepna ho jouse peng kate.

¹⁵Pakai mitmu-a amithengte thichu manlutah ahi.

¹⁶Vo Pakai keima nasoh tahbeh kahi, nasohnu chapa nasohpa kahin, kakihen naho neisutlhah peh tai.

¹⁷Thangvahna chu kilhaina bangin nahenga toh ingting, Pakai minchu kouvinge.

¹⁸Tun amite jouse angsunga, Pakai inpi hongsunga,

¹⁹Vo Jerusalem, nalailung laitah-a, Pakai henga kakitepna chu kapeh ding ahi, Pakai chu vahchoijun.