Read Thado Chin Labu 137 Bible Online

Labu 137 - Thado Chin bible

Labu 137

¹Babylon vadungho pama chun katouvun, Zion kageldoh phatnun kakap taovin ahi.

²Huisum chungho-a chun ka selangdah hou kakhaijun ahi.

³Ajehchu chukoma gal hinga eipuimang houchun la khat angeh-un; chule eibolgenthei houchun kipahtah-in eijolun, Zion la khat neisah peh-un atiuve.

⁴Mi gama keihon Pakai la chu iti kasah dingu ham?

⁵Vo Jerusalem, nangma kasuhmila ahile, kakhut jetlam hin akhut themna sumil jenghen,

⁶nangma kageljing louva, kakipana pipen sanga Jerusalem kalhenjoh loule, kaleihi kadang chunga behden jenghen.

⁷Vo Pakai Jerusalem chim nikho-a, Edom miten anatoh-u chu geldoh-in; suchimun, a-inbul songho chu suchimun, tin asamui.

⁸ Suhmang dinga uma vo, Babylon chanu, keiho neibolnao banga nale thuhpa chu kipah hen.

⁹Nachasenho man khoma songho jepna-a neipa chu kipah hen.