Read Thado Chin Labu 140 Bible Online

Labu 140 - Thado Chin bible

Labu 140

¹La Lamkaipa dinga, David Labol Vo Pakai, miphalouva konchun neihuh doh-in, hunam miho-a konchun neiveng tupmin.

²Alunguvin lheplhahna angaitouvin, tanglouvin galboldin akikhom khom jiuve.

³ Aleiju gul bangin anol hemun, alei noijuva gulsum gu aumme. Selah

⁴Vo Pakai migilou khutna konin neingahphan, kachena suhboi ding eigo-a, hunam miho-a konin neihongphan.

⁵Mi kiletsah hon thang le khaohol eikampeh-un, lamsih-a lenthang aphaovin, amahon thang eikam khumuve. Selah

⁶Keiman Pakai henga chun, nangma ka Pathen nahi kati, vo Pakai kataona aw hi ngaijin.

⁷Vo Pakai Pathen, kahuh hingna thahat; nangman gal kisat nikhon kalu neikhu peh-e.

⁸Vo Pakai, migilou ngaichat chu phalpeh hih-in, aduha lungthim gilou chu pilhinsah hih-in, achutiloule kichoisang getnunte. Selah

⁹Eium chahho luchang chu, amaho kamtah-a lheplhahna chun khukhumhen.

¹⁰Mei am lenglung chu achunguva hungchu hen, ama ahung kithodoh kitna loudiuvin, kotong thuh tahle meikong lah-a chun kisep lutnu hen.

¹¹Thuse seija leisetna kitungdoh hihhen, hunam mang chu setna-in suhlhuh dia anungjui ding ahi.

¹²Akibol gentheite thu leh vaichate dihna chu, Pakaiyin suhdih peh inte ti kahei.

¹³Michonphan thonlouva namin athangvah ding; Midih chu na angsunga cheng ding ahi.