Read Thado Chin Labu 141 Bible Online

Labu 141 - Thado Chin bible

Labu 141

¹David Labol Pakai nangma kakouve, nangma kakou tengle ka aw-a hin nana hinsung loijin.

² Kataona ginnamtui bangin na-anga kitungdoh hen, chule kakhut dopsanghi nilhah lam ganlhaina bang hihen.

³Vo Pakai, kakam kamdal neikoi peh in, kakam nei ngatup peh-in.

⁴Kalungthim hi thilse lama lutsah hih-in, khanset bol mihem natoh phalou kijildin nopsah hih-in, chule a-anneh tuihou neinehsah hih-in.

⁵Michonphan eivohen, hichu lungsetna hinte, chule eiphohsal hen, hichu thao nasatah hiding ahi, hichun kalu suheh ponte, ajehchu avangsetnao sanna kataopeh ding ahi.

⁶Athutanhou songhol lah-a akipailhah tengle, hiche hochu alhum jeh-in, kathu ngaitao vinte,

⁷Khattouvin tolla thing atanna a-ea bangin, kaguhou lhankhuh kama akithecheh gamtai.

⁸Ahinla vo Pakai Pathen, kamitnin nangma lam akatjingin, nangma-a katahsan kangame, ka hinna hi gentheijin dalha hih-in.

⁹Keidinga athang kamhouva konle, khangitlou bolho-a konin neihongbit in.

¹⁰Keima kakitoldoh laitah-in, migilouho chu amahotah lensunga lhalut uhen.