Read Thado Chin Labu 143 Bible Online

Labu 143 - Thado Chin bible

Labu 143

¹David Labol Vo Pakai kataona ngaijin lang, kangehna-a nana sungin, nakitahna leh nachon phatna-a chun neidonbut in.

² Chule nasohhi thutan na-a nei lutpi hih-in, ajehchu namitmu-a mihing khatcha chonpha aumpoi.

³Ajehchu melman kahinna abolgimin, kahinkho hi tolla avolhun: sotna anathisaho bangin muthima eichen sah-e.

⁴Hijeh chun kalhagao kasunga athoh gimmin, kalungthim hi kasunga agoh ahitai.

⁵Khanglui nikhoho kageldoh in, nathilbol ho jouse kangaitojin, nakhut thilbolho kasutjin ahi.

⁶Nahenglam kakhutnin kahin sange, kahinna hi dangchah na gam bangin, nangma ngaicha-in adangchah-e. Selah

⁷Vo Pakai neidonbut loijin, kalhagao alhasamtai, leiko sunga kumsuh ho kabah lounadin, keija konin namai selmang hih-in.

⁸Nangma katahsan jeh-in, jingkah teng nalungsetna neijah sah-in, kahinna naheng lama kadop sang jing jeh-in, chena ding lampi neihetsah-in.

⁹Vo Pakai kamelma te-a konin neihuh doh-in, nahenga kisel dinga hungjam kahi.

¹⁰Nangma ka Pathen nahi jeh-in nadeilam bolje neihilin, Na Lhagaohi aphai, chondihna gama neipuijin.

¹¹Vo Pakai namin jal-in neihin sah-in, ajehchu nachon phatna jal-in, lungkham na-a konin kahinna hi puidoh-in.

¹²Chule nahepina-a kamelmate subei jinlang, kahinna bol gentheiteho jouse sumangin, ajehchu nalhacha kahi.