Read Thado Chin Labu 144 Bible Online

Labu 144 - Thado Chin bible

Labu 144

¹David Labol Kakhutho galboldan, kakhut jungho galsatdan hillah; kahatna Pakai chu nunnom hen.

²Kahatnale kakulpi, ka insang le kakihuhdohna, kalumdal le katahsan kingapna, kamite kanoija kunsahpa.

³ Pakai, mihemhi ipi hija, nahiti lungvil tenna! ahiloule mihem chapahi ipi hija, nahiti khohsah ham!

⁴Mihemhi pannabei tobang ahin, anikhoho jong nisalim kiheimang bangbep bou ahi.

⁵Vo Pakai navanho sonkunin hungkum lhan lang, molsangho chu tongkha lechun, meikhun lengunte.

⁶Kolphetsah inlang amaho sucheh-in, nathalchangho kapdoh inlang amaho sumangin.

⁷Chunga konin nakhut hin lhangin lang, neilha doh-in, twipi nasatahho lah-a konle, gamdangmi chate-a konin neihuh doh-in;

⁸Akamun thu manlou aseijun, akhut jetlamu chu joujou khut jetlam ahibouve.

⁹Vo Pathen, nahenga lathah khat sange; tumging le manchah jangsom neijin nangma vahchoi La sange.

¹⁰Lengho henga huhhingna pe-a ama ahin, aman asoh David kisuhkhahna chemjam'a konin ahuhdoh-e.

¹¹Gamchom chate-a konin neilha doh-in, neihuh doh-in, akamun mohthu aseijun, akhut jetnu chu khutjet dihlou ahi.

¹²Ka chapateu khangdong ho chu thingphung khangtou bang uhen, ka chanuteu chu leng in ninga song kipotjola bang uhen.

¹³Kachang inhou adima, akikholna jouse anenchet nadin, ka kelngoi teovin kakholai lamlen houva sang sangle sangsom cheng hinguhen.

¹⁴Kabongchal hou natoh-a ahatnuva, kakholai houva thunoh asolouna din, golkeh louleh potdoh louvin umuhen.

¹⁵Chutobanga um miho chu avangpha ahiuve, henge, a-Pathen'u Pakai hia mite chu avangpha ahiuve.