Read Thado Chin Labu 147 Bible Online

Labu 147 - Thado Chin bible

Labu 147

¹Pakai chu vahchoijun, ajehchu i-Pathen'u henga vahchoi la sah hi anomin; kipa aumin, chule vahchoi dinga lomtah ahi.

²Pakaiyin Jerusalem asadoh-in; aman akinodohsa Israelte chu akhom khome.

³Aman lungthima natna neiho asudamin; chule amaha puthou atompehjin ahi.

⁴Aman ahsi ho jat aseijin; abonchauvin aminu avo soh keijin ahi.

⁵I-Pakaiyu alenin, thahat tah ahi; ahetkhen themna chu akhonna bei ahi.

⁶Pakaiyin mi kineosah ho adomsangin; migiloute chu tolla aseplhan ahi.

⁷Thangvah pumin Pakai henga la saovin; i-Pathen'u henga selangdah tothon vahchoi la saovin.

⁸Aman van chu meilom'in atomin, leiset dingin go agongtoh-in, molsangho chunga kehdin hampa aseme.

⁹Aman gamsaho a-an nehdiu apen; va-ah nou gilkelho aneh dingu apen ahi.

¹⁰Ama sakol ho hatna-a akipahpon; mihem kenga jong kipana aneipoi.

¹¹Pakai chu ama gingte chunga akipah-in; ahepina-a kinemho chunga akipah-in ahi.

¹²Vo Jerusalem, Pakai chu vahchoijin; vo Zion na Pathen chu vahchoijin.

¹³Aman nakul kotpi kotgol ho ahamsah-in; nasunga nachate phatthei aboh-in ahi.

¹⁴Nagam gi ho-ah cham alensah-in; suhlouchang phapenin nadipdim tan ahi.

¹⁵Aman leiset chunga athupeh ahinsol doh-in; Athu chu gangtah-in alhaijin ahi.

¹⁶Aman buhbang kelngoi mul bangin apen; buhlhah chu vutvam bangin athejaovin ahi.

¹⁷Aman abuhlhang ankong bangin athejalin; hiche adap masanga chu koi dingjou dingham?

¹⁸Aman thu apehleh hichu ajunlha tan; Ahui anunsah-in ahile twi ahung longtai.

¹⁹Aman athu chu Jacob henga amusah-in; adan thuho le athutan chu Israel amusah tan ahi.

²⁰Aman koima nam achutibol khapon; ama thutan lhahho jong amahon ahepha pouve. Pakai chu vahchoijun.