Read Thado Chin Labu 148 Bible Online

Labu 148 - Thado Chin bible

Labu 148

¹Pakai chu vahchoijun, van ho-a konin Pakai vahchoijun; chungsang ho-a chun vahchoijun.

²Avantil jousen, Pakai vahchoijun; ami janelten ama vahchoijun.

³Nisa le lhathah-in ama vahchoijun; nangho ahsi vahho jousen ama vahchoijun.

⁴Nangho vanlaijola vanhon ama vahchoijun; vanho chungvuma twipihon ama vahchoijun.

⁵Amahon Pakai min vahchoi uhen; ajehchu aman thu apeh-a, amaho kisem ahiuve.

⁶Aman amaho tonsot atonsotna din aphutdetnin; apalkehlou diuvin thupeh apen ahi.

⁷Nangho dragon ho le twithuh ho jousen; Leisetna konin Pakai chu Vahchoijun;

⁸Mei le gel, buhbang le meijun; khopi huijin athu aguilhunsah-in ahi.

⁹Molsangho le lhangho; thingphung ga phaho le cedar thingho:

¹⁰Gamsaho le gancha jouse; tolla kitholho le chungleng vachaho:

¹¹Leija lengho le mihem jouse; pipuiho le leiset thutan ho jouse:

¹²Gollhangho le nungah ho; tehse ho le chapangho:

¹³Amahon Pakai minchu vahchoi uhen: Ama minbou chu chungnunpen ahin; aloupina leile van chungvuma uma ahi.

¹⁴Mithengte jouse choi-at nan; Israel chate, ama kinaipi mite choi-at nan; Aman amite ki adomsangtai. Pakai chu vahchoijun.