Read Thado Chin Labu 16 Bible Online

Labu 16 - Thado Chin bible

Labu 16

¹David Labol Vo Pathen neiching phan, ajehchu nangah katahsan kangamin ahi.

²Vo kahinna, nangin Pakai henga, nangma ka Pakai nahin, nangma kom tailouva thilpha kaneipoi, nati.

³Ahinla leisetna mithenghole milul ho henga, amaho-a chun kakipana jouse aumji-e nati.

⁴Pathen dang nung del loiho chu alung hesohnao pungding; don thilpeh dinga apeh-u thisan jong katodoh louding, ahilouleh aminu jong kaphahpoh louding ahi.

⁵Pakai chu kagouchanle kakhon ahi, nangman kachanvou chu neivettup peh-e.

⁶Tena khaoho chun munpha lai ho eikitedoh pehjin, henge, keiman gouphatah kaneitai.

⁷Keima thumop eipepa Pakai chu phatthei boh inge, jan tengle kalungthimin eihiljin ahi.

⁸Keiman Pakai chu kamasanga kaumsah jingin, ama kajetlama aumjeh-in keima kiling ponge.

⁹Hijeh chun kalung akipah-in, kaloupina akipah-in; Katahsa jonghi kinepna-a choldo ding ahi.

¹⁰Ajehchu nangman kahinna hi damuna nadalhah lou ding; namitheng chu mon mangna jong namusah louding ahi.

¹¹Nangin hinna lampi neimusah-in; naumna chu kipanan adimin, nakhut jetna chu tonsot kipana uma ahi.