Read Thado Chin Labu 2 Bible Online

Labu 2 - Thado Chin bible

Labu 2

¹ Ibola Pathen hephalouho lunghanga, chule mihon mohthu homkeo angaitou ham?

²Leiset lengho atoukhomun, vaipoho akihoutoh-un, Pakai leh athaonu dounan hitin aseijuve,

³Eihon akikana akhao holhou suhtanpeh-u hitin, akhaohou eihoa konin paimangu hite.

⁴Van ho-a toupa chu nui jintin, Pakaiyin amaho chu nuisat inte.

⁵Chutengle ahenguva lunghangin thu seijintin, lung nommo-a achunguva lunghang ding ahi.

⁶Hitajongle kalhang theng Zion chunga kalengpa katousah-e.

⁷ Thupeh chu keiman phongdoh inge, Pakai chun kahenga, nangma kachapa nahin; tunia hi kahin nahi, ati.

⁸Kahenga thumin, keiman namtin chu nagoulo dinga kapeh ding, chule leiset kolmong geichu nagouchan dinga kapeh ding nahi.

⁹ Nangin amaho chu thih tenggola navohcheh-a; beldengpa bel banga ahal ahala nasuhchip ding ahi.

¹⁰Hijeh chun, vo nangho lengho, tuhin kichih theijun; nangho vannoi thutan ho kihilphaovin.

¹¹Pakai chu kichapumin jenunlang, kithing pumpumin kipah-un.

¹²Chapa chu chopmun; achutiloule lunghang intin lamdunga konin mahthah getnun nate, alunghan chu neocha a deujahji ahi. Ama-a atahsan koiho chu anunnom ahi.