Read Thado Chin Labu 27 Bible Online

Labu 27 - Thado Chin bible

Labu 27

¹David Labol Pakai chu kameivah le eihuh hingpa ahin; koi kagin dingham? Pakai chu kahinkho-a kathahatna ahin; Koi kakichat dingham?

²Mikhangse, kamelmahole kagalte jengin jong, kasa hi nehgop dinga kachunga ahungchuh tengule akipalun alhuji taovin ahi.

³Janel hon keima dounan gebuh songjong leu, kalung kicha pontin; eidoudin gal hungkon jongle hichea jongchu tahsan um kahiding ahi.

⁴Keiman Pakai henga kadeichat thilkhat thuming ting; hichu kaholjing ding, chutileh Pakai insunga kahinkho lhungkeija kachen theija, Pakai melhoina kavetjing ding, chule a-houin sunga thu kakhol jingthei ding ahi.

⁵Ajehchu kalungkham tengle apon insunga eiselintin, ahoubuh munthip sunga aman eisela, asongpi chunga eitousah ding ahi.

⁶Tunvang kakimvela kamelmate chungvuma kaluhi dopsanga umding ahitan; hijeh-a chu ahoubuh-a kipa ganlhaina ho kapeh-a, la kasah ding, henge, Pakai vahchoi La tumgingto tho-a kasah ding ahi.

⁷Vo Pakai, ka aw gina kasap tengle neingaipeh-in, kachungah hepina neijinlang, neidonbut in.

⁸Kamai holun nati laichun kalungin nahenga, Pakai namai holinge kanatin ahi.

⁹Keija konin namai selgamla hih-in, lunghanin nasoh hi notdoh hih-in, nangma eipanpi nahin, vo eihuh hinga Pathen, neidalhah danlang, neipaidoh hih-in.

¹⁰Kanule kapan eidalhah tengle Pakaiyin eikipomding ahi.

¹¹Vo Pakai, nalampi neihilin, chule kamelmaho jeh-in lamjolsela neipuijin.

¹²Kamelmate deilamin neipedoh loujenin; ajehchu keima dounan, nunset thujeng aseijun, chule hettohsah lhemho asohdoh tan ahi.

¹³Mihing gama chu Pakai phatna muding tahsanlou anahileng vang alhasama kahitai.

¹⁴Pakai chu ngahjingin, hangtah in umin, chutile nalungthim ahatsah ding ahi; Pakai chu ngahjingin, kati ahi.