Read Thado Chin Labu 30 Bible Online

Labu 30 - Thado Chin bible

Labu 30

¹Houin Thensona-a Sahdinga, David Labol Vo Pakai nangin neidopsanga, kachunga kamelmate nakipasah loujeh-in, keiman nangma choi-an inge.

²Vo Pakai ka Pathen, nahenga kataovin, nangin neidamsah tai.

³Vo Pakai, nangin kahinna lhankhuh-a konin napuitouvin, kokhuh-a kakumsuh lounadin, nangin neihinghoi tan ahi.

⁴Vo nangho amithengte, Pakaiya tumgingto thon vahchoi La saovin lang, athenna hetdohnadin ama thangvahna peovin.

⁵Ajehchu alunghana chu chom chakhat bou ahin, alungsetna-a chun hinna aume; kana hi jankhatbou ahin, jingkah teng kipana ahunghiji tai.

⁶Chule kaphatthei laijin, itih hijongle kiling ponge, kanatin ahi.

⁷Pakai, nei khohsahna jal-in, kamolsang nadindet sah-in, namai nanaselin, kana lungkhame.

⁸Vo Pakai nangma kanasamin, chule Pakai henga kana thumin ahi.

⁹Kokhuh-a kakumlhah tengle, kathisan nahi ipi phatchomna umding ham? Leivuijin navahchoija nakitahna aphondoh ding ham?

¹⁰Vo Pakai ngaijin lang, kachunga hepina neijin, Pakai nangma eipanpia chu hin.

¹¹Nangin kalung hemna lamnan naheidoh-in, kakhaodip pon nahohlhan, kipanan kong neigahpeh tan,

¹²Kaloupina beikahsea nangma vahchoi La tanglouva kasah ding, kathip louding ahi. O Pakai, ka Pathen, keiman atonsot atonsotnin nangma vahchoi jinge.