Read Thado Chin Labu 31 Bible Online

Labu 31 - Thado Chin bible

Labu 31

¹La Lamkaipa Henga, David Labol Vo Pakai, nanga katahsan kangamin, imatih-in nei jachatsah hih-in, na chonphatna-a chun neihuh doh-in.

²Kahenglama nana hin sungin, gangtah-in neihuh doh-in, keidinga songpi dettahle eihuhhing dinga hoidohna in hunghin.

³Ajehchu nangma kasongpile kakulpi nahin, hijeh chun naminjalin neikaijinlang neilamkai jin.

⁴Guhthima lenthang eikampeh uva konin neiloidoh-in, ajehchu nangma kahatna nahi.

⁵ Nakhutna kalhagao kapei; Vo Pakai Pathen dihtah nangin neilhatdoh tai.

⁶Mohseh thil ngaisahho chu kahon; Pakai vang chu katahsane.

⁷Nahepina-a kipah-ing ting thanominge, ajehchu nangin kalung hesohna neigelpeh in, kahinna hi vangsetna-a aume ti nahei.

⁸Chule eidouho khutna neikha khumpon, kakenghohi mun lentah-a nakoije.

⁹Vo Pakai, lungkhama kaum jeh-in neihepin, kamit hi lunggim na-in akhamtan, ahi, kahinna leh katumpi jong ahi.

¹⁰Ajehchu hinkhohi lunggim na-in kamangin, kakum hohi khoisatna-in kamange; Kakhangitlou jallin katha abeijin, kaguho alhong lhatai.

¹¹Kamelmate lah, adeh deh-in kaheng kakomho lah-a i-sah louvin kaumin, chule kamel hetho din kichat kaumin; Eimuho chun eijamsan taovin ahi.

¹²Mithi bangin suhmilin kaumin, belkehsato kabangtai.

¹³Ajehchu mitam tah-in eihehsetna kanajan; Kakimvelah kichatna aumtai; keima douna-a akihoukhom laijun, kahinkho lah nadin doha abolui.

¹⁴Ahinla vo Pakai nangma kanatahsane, nangma ka Pathen nahi, kanatin ahi.

¹⁵Kaphat ho nakhutna um ahin, kamelmatele eibolgiloute khutna konin neihuh doh-in.

¹⁶Nasoh chunga namai hinvahsah-in, nahepina jal-in neihuhhing in.

¹⁷Nangma kakou jeh-in, vo Pakai neijachat sah hih-in, migilouho jachatsah-in lang, thikholkhul sunga thipbeh-in umuhen.

¹⁸Jouseinale midih ho chunga, musitnale hoithona thu tamtah seina kam chu paomon umhen.

¹⁹O, naphatna, nangma gingte dinga nakhol khom, mihem chate masanga nanga atahsan ngamho dinga nanabol chu iti letna hitam?

²⁰Nangin amaho chu mihoitho ho-a konin naumna munthipma naselding; nangin kinelkalna-a konin pon-in sunga koithipbeh in nate.

²¹Pakai chu nunnom hen, ajehchu akhotona kidangtah chun khopi dettah sunga eimusahtai.

²²Ajehchu namitmu-a konin paidoh-in kaumtai, kana tiloijin; hijengjongle lungset kangehna aw-a nangma kakou chun neina ngaipehtan ahi.

²³Vo nangho amithengte jousen, Pakai chu ngailuvin, ajehchu tahsan umho chu Pakaiyin avetupmin, chule hoitho bol hochu lhingkeijin alethuhjin ahi.

²⁴Hangtah-in umun, chutile nangho Pakaiya kinem jouse chu aman nalungu ahatsah ding ahi.