Read Thado Chin Labu 32 Bible Online

Labu 32 - Thado Chin bible

Labu 32

¹David Labol Koihile asuhkhelna kingaidama, achonset kikhukhuma chu anunnom ahi.

²Pakaiyin achonset asimlou, chule alhagaova themona umlou mi chu anunnom ahi.

³Thipbeh a kauma, nilhumkeija kasunga ka-ao na lammin kaguho manlou asohgam tai.

⁴Sunle jannin nakhut gih-in eidelphan, kati lhop jong nipi laija gamgo asohjitai. Selah

⁵Nahenga kachonsetna kahetsah in, kakhan gitlouna kaselpoi. Pakai hengah suhkhelna phongtange katin, nangin kachonset khan gitlouna chu neingaidam tai. Selah.

⁶Ajehchu, Pathen ngaisah jouse chu mutheija na-umpet hin nahenga taovuhen, tahbeh-in twilentah soh hon ahengu ahinnai louding ahi.

⁷Nangma ka kiselna mun nahin, lungkham na-a kona neiventup ding; huhdohna la ho-a nei-um kimvel ding ahi. Selah

⁸Keiman nangma kahilchah ding chule nachena ding kahilding; keiman kamitna nangma kapuile ding nahi.

⁹Hetna neilou, kamdal le thihkola kituhtangji sakol ahiloule sangan toh banghih-un, achuti loule naheng hinnai junte.

¹⁰Migilou din lung gentheina adimin, ahinla Pakai tahsan vang chu hepina-in aumkimvelin ahi.

¹¹Nangho michonpha ho, Pakaiya kipah unlang thanomun, milungtheng nangho jouse kipah-in ao-vun.