Read Thado Chin Labu 34 Bible Online

Labu 34 - Thado Chin bible

Labu 34

¹David Labol. Abimelech anga mingol umdan atho-a, anodoh-a achemang Phat jousen Pakai chu vahchoi jingting: Ama vahchoina chu kakam toh kichat louding ahi.

²Kahinna hi Pakaiya kisong ding, mi kineosah ho chun ajah uva kipahdiu ahi.

³O, Pakai chu neichoi-atpiu vinlang, amin choi-an khom uhite.

⁴Pakai chu kaholin aman eingaipeh-in, kakichatna jouse-a konin eihuhdoh tai.

⁵Amahon ama lam aveovin ahile avah uvin; chule amaijuva jachatna-a aumpoi.

⁶Hiche migenthei hin akouteng, Pakaiyin angaipeh-in, alungdonna jouse-a konin ahuhhingtai.

⁷Ama gingho chu Pakai vantil'in aumkim velin, chule amaho ahuhdoh-in ahi.

⁸ Pakai phatje chu patepmun lang veuvin, ama tahsan michu anunnom ahi.

⁹O mitheng teho Pakai chu gingun, ajehchu ama gingtedin lhahsamna himhim aumpoi.

¹⁰Keipi bahkai donglaiho jong alhasamin, agilkel jiuve; ahin Pakai holte vang chu thilpha himhim lhasamloudiu ahi.

¹¹Hunguvin, chateho, kathu ngaijuvin; keiman Pakai ginje hiluvinge.

¹² Phatna amutheina dinga nikho tamtah ngailu-a, hinkho ngailu-a michu koiham?

¹³Thilse-a konin nalei, chule lheplhah thusei na-a konin namuh tuhtangin.

¹⁴Ase dalhanlang apha bolin, chamna holinlang hichu nungdelin.

¹⁵Pakai mit chu michonpha ho chunga achun, ataonao ngainan ana asunge.

¹⁶Pakai maichun thilse bolho dounale, leisetna kona amaho kigeldohna suhtanga aum nadin angat jinge.

¹⁷Michonpha ho taona Pakaiyin ajahpeh in, ahesohna jouseuva konin ahuhdoh ji-e.

¹⁸Lungthim kisihte henga Pakai anaijin, lhagaova kisihho chu ahuhhingin ahi.

¹⁹Michonpha thohgimna atamin, ahinla Pakaiyin chucheho jouse-a konchun ahuhdohji.

²⁰ Aman aguho jouse aching phan, khatcha jong abongpoi.

²¹Thilphalouvin migilou athading; chule midih hotbola chu mangthah heldiu ahi.

²²Pakaiyin asohte lhagao chu lhatdoh intin, ama tahsan ho chu mangthah loudiu ahi.