Read Thado Chin Labu 36 Bible Online

Labu 36 - Thado Chin bible

Labu 36

¹La lamkaipa henga Pakai Lhachapa David Labol Migilou suhkhelna chungchanga kalungsunga kathusei; amitmua Pathen ginna himhim aumpoi.

²Ajehchu akhan gitlouna kidah umtah chu akimudoh kahsen, ama mitmun amale ama akiseiphajin ahi.

³Akama thusoh ho chu khangitlouna leh lheplhahna ngen ahin; chihnale thilpha bolding chu adalhatan ahi.

⁴Aman jalkhun chunga thilse agongtoh-in, lampi phalou laitah a akitungin, thilse ahopon ahi.

⁵Vo Pakai, na mihepina chu van ho-a aumin, chule nakitahna chun meilom lah aphan ahi.

⁶Nachon phatna chu molsang lenho abangin, nathutan lhahho chu athuhlheh-e, vo Pakai, nangman mihem le gamsa navengbit nin ahi.

⁷Vo Pakai nangailut nahi itilutna hitam, hijeh-a chu mihem chaten na lhavingho limnoi atahsanu ahi.

⁸Na insung aninlhin jehchun amaho lunglhai lheh-untin, nalunglhaina vachadung twi chu amaho nadonsah ding ahi.

⁹Ajehchu hinna twinah nanga aumin; navah-a chu khovah kamudiu ahi.

¹⁰Nangma heho henga nangailutna chu umsah jinginlang, chule milung thengho henga chonphatna chu umsah-in.

¹¹Mi kiletsah kengin ei chotkhahda henlang, migilou khutnin einodoh dahen.

¹²Khukoma engse bolho alhulhop mun, lelhah ahiuvin, kithoujou tapouvinte.