Read Thado Chin Labu 38 Bible Online

Labu 38 - Thado Chin bible

Labu 38

¹Geldoh-a aumna dinga David Labol Vo Pakai nalunghanna-a neiphoh hih-in; nalungsat natah-a jong neisehgim hih-in.

²Ajehchu nathal changho kasungah alutnin, chule nakhutnin eimeh nasabehseh jengin ahi.

³Nalunghanna jeh-in katichung-ah damna himhim aumtapoi, kachonsetna jeh-in jong kaguho-a choldona himhim aumtapoi.

⁴Ajehchu kakhan gitlounahon eichuptan; poh gihsatah khat bangin keidin agihsa behseh taovin ahi.

⁵Kangolna jeh-in katina mahaho auijin amon lhasoh tai.

⁶Kalung akhamin, hatah-in kakunsuh in, nilhum keijin kalunghemin ahi.

⁷Ajehchu kakong dungho jouse adul soh gamin, chule kati chunga damna aumpoi.

⁸Keima lhasamle akisugepma chu kahitan; Kalung montheilou jeh-a peng penga chu kahitai.

⁹Pakai kangaichat jouse namasanga uma ahi, kakhoisat jong nanga kona kisellou ahi.

¹⁰Kalung aphulin, katha abeitan; kamit vah jengjong, keija kon achemang tan ahi.

¹¹Eingailuho leh kagolte katina-a kon ading gamlha taovin; ka-inkote jong gamlatah-a adingun ahi.

¹²Kahinkho suhmang dinga hol hon jong thang eikampeh uvin, chule kasetna ding hol hon jong lamvaina thujeng aseijun, nilhum keijin thilphalou jeng ageljiuve.

¹³Ahin keimanla na-ngong bangin kajapon, akamka ngailou mipaomo kana bangtan ahi.

¹⁴Hiti chun kho jaloule, akama phona sohngailou bangin kana umin ahi.

¹⁵Ajeh chu o Pakai, nangah kakinemin, o Pakai ka Pathen, nangin jan nate.

¹⁶Ajehchu keiman, nei ngaipeh-in, achuti loule kachunga kipah getnunte kati ahi, kakenga kalhonalteng keima dounan amaho kiloupisah getnunte.

¹⁷Ajehchu, kalung gentheinahi tanglouvin kamasanga aumin, chule alhu paiding kahitai.

¹⁸Ajehchu kakhan gitlouna hi phonging ting, kachonsetna jeh-a kalung khamding ahi.

¹⁹Ahinla kamelmate khu ahingtheijun, ahatnuvin, dihlou tah-a eihot bolte chu apunguve.

²⁰Thilse thilphato kilheh ho jong kakidoupi ahiuve; ajehchu keiman thildih chu kajuijin ahi.

²¹Vo Pakai, neidalha hih-in, vo Pathen, keija konin gamla hih-in.

²²Eipanpi dingin hung kinon; Vo Pakai eihuh hingpa.