Read Thado Chin Labu 4 Bible Online

Labu 4 - Thado Chin bible

Labu 4

¹La lamkaipa henga, semjangto thoding, David Labol Vo kachon phatna Pathen, kakou tengle neihouvin, gentheija kaum tengle nangin neipanpijie, ka chunga hepina neijinlang, kataona ngaijin.

²Vo nangho mihem chapate, kaloupi nahi itihchan jachatna a nahei diuham? Itih changei mohthu homkeo nangailut uva chule jouthu naholdiu ham? Selah

³Ahinla Pakai chun ama dinga Pathen ngaisahho chu amadin akhendohtai ti hethemuvin; keiman ama kakou tengle Pakaiyin ajahding ahi.

⁴ Kichageuvin dingun lang, chonse hih un; najalkhun chunga lungthimin kihou unlang, thipbeh chan umun. Selah

⁵Chonphatna le ganlhainaho chu peuvinlang, chule Pakaiya natahsanu ngamdetnun.

⁶Mi tamtah-in thilpha kon eimusah untem? atiuve; Pakai namaiso vah chu kachunguva hindomsangin.

⁷Nangin, midanghon changle lengpitwi tamtah aneilaijuva sanga chungnungjo kipana kalungsunga nakoije.

⁸Keima lungmong tah-a kalupma chuleh ka-imut ding ahi: Ajehchu Pakai, nangma bou bitkeija eichensah nahi.