Read Thado Chin Labu 41 Bible Online

Labu 41 - Thado Chin bible

Labu 41

¹La lamkaipa henga, David Labol Migenthei khotopa chu anunnom ahi; Pakaiyin boina ato phatle ahuhdoh ding ahi.

²Pakaiyin ama chu ahonbitna ahinsah ding; chule leiset chunga phattheina chang ding; chule nangman ama chu melmate deilama napehdoh louding ahi.

³Lungkhamna jalkhun chunga chu Pakaiyin ama ahatsah ding; nangman ajalkhun chunga nasemthah ding ahi.

⁴Keiman Pakai neihepin, nei damsah-in, ajehchu nangma dounan kachonse tai kati.

⁵Kamelma ten keima eisamse jingun, itihle ama athin, amin amangdem? atiuvin ahi.

⁶Chule eivedinga ahung jongle, manlou thu jeng aseijin alungsunga khan gitlouna adimin, apotdohle teng aseithang sohjin ahi.

⁷Eihotbol jouse chu keidounan akihou lhiuvin; keima dingin asecheh angaitouvin,

⁸Nat phalou tah-in ama aphah ahitai, alupna-a kon thoudoh talou ding ahi, atiuve.

⁹ Henge, kagol ngaitah, katahsan pen, ka changlhah nepa tah-in jong kachunga akengto alamtai.

¹⁰Ahivangin vo Pakai, amaho kalethuh theina dingin neihepin lang neiphong dingin.

¹¹Kamelma ten eijolou jeh-un, nangma kachunga nalung lhaije ti hichea konhin kahei.

¹²Chule keima vang, kadih chamkimna-a nangin neituh jingin, namai koh-a tonsotnadin neitousah tan ahi.

¹³ Pakai Israel Pathen chu tonsotna pat tonsot geijin nunnom jinghen, Amen chule Amen.