Read Thado Chin Labu 45 Bible Online

Labu 45 - Thado Chin bible

Labu 45

¹La lamkaipa henga, Shoshannim dinga, Korah chapate le Maschil, Ngailutna la Kalungthim sunghi thuphan akisun dimtan, lengpa chung changa thil kanabol chu kaseijin, kaleihi gotsa thusunpa lekhamol ahi.

²Mihem chate sangin nahoijon, lungsetnahi nakama akisunglutne; hijeh-a chu Pathen'in tonsotna phatthei naboh ahi.

³Vo hat chungnung, nachemjam chu nataija kigah inlang, nalalna le ja naum na-a chun kivonin.

⁴Chule thutah le nunnem na chule chonphatna jal-in, nalalna-a chun khangtou tah-in touvin; chule nakhut jetnin thil gimneitahho nahilding ahi.

⁵Lengpa melmate lung sunga nathalmuh chu ahemin, hichea chun mite nanoija alhu jiuvin ahi.

⁶ Vo Pathen nalaltouna chu atonsot atonsotna ahin; nalenggam tenggol chu leng tenggol dihtah ahi.

⁷Nangman chonphatna nangailun, chule gitlouna nahot bolin; hijeh chun Pathen, na Pathen chun, nagol ho chung vuma kipana thao nanutan ahi.

⁸Navonho jouse chu saiha-a kisa leng inpiho sunga konin myrrh le aloe chule cassia anam hiuheu vin hicheho chun nakipa sah-in ahi.

⁹Lengho chanute chu numei ja-umtah ho lah-a aumun, najet lama lengnu chu Ophir sana-a kijemin adingin ahi.

¹⁰Vo chanu, ngaiphan lang geltoh-in, chule nana sungin, namite le napa insung jong chu sumilin;

¹¹Chutile lengpan nahoina nasatah chu adeichat ding ahi; ajehchu ama na Pakai pa ahin, chule nangman ama chu houvin.

¹²Chule Tyre chanu chu thilpeh khat choija hungding, miho lah-a mihaoho jengin jong nalungsetna angeh diu ahi.

¹³Lengpa chanu chu loupina adimin; aponsil chu sana-a kijempah ahi.

¹⁴Amanu chu lengpa henga pon kikhui pahsel kivona apuidiu; aloi anungjui nungah thengho chu nahenga ahinpuidiu ahi.

¹⁵Kipahtahle thanom tah-in amaho hin kipuijintin, amaho leng inpi sunga lutdiu ahi.

¹⁶Leiset pumpi-a leng chapa-a nasem diuchu, napateu khela nachateo hiding ahi.

¹⁷Akhang akhanga geldoh jing dingin namin seming ting, hijeh-a chu mihem ten atonsot, atonsotna navahchoi diu ahi.