Read Thado Chin Labu 46 Bible Online

Labu 46 - Thado Chin bible

Labu 46

¹La lamkaipa henga Korah chapate Labol. Alamoth La Pathen chu ikiselnao le itha hatnao ahin, lungkham pettah a eipanpiu ahi.

²Leiset hi kichon mang henlang, chule twikhanglen lailung-ah molsang hohi kipolut hen;

³chu-a twiho chu ginglul lulin kinong henlang, chule molsangho kihotlingsoh jongle keiho kicha pouvinge. Selah

⁴Vadung khat aumin, chu-a luidungho chun Pathen khopi akipasah ding, Hatchung nungpen houbuh umna muntheng chu akipasah ding ahi.

⁵Alailunga chun Pathen aumin, ama longlou helding; jingpi tah-a Pathen'in akithopi ding ahi.

⁶Pathen hephalouho alunghangun, lenggam ho akilongsoh-in; Aman a-aw aginsah le leiset ajunlha tai.

⁷Janel ho Pakai chun eiumpiuvin, Jacob Pathen chu ikiselnao ahi. Selah

⁸Leiset hi itobanga agohkeo asosah hitam, hungun lang Pakai thilbolhohi vetemun.

⁹Aman kolmong geija gal kisat asutangin, thalpi ahehbongin, tengcha asubongin, sakol kangtalai meijin ahalvamtan ahi.

¹⁰Thipkhen chan umunlang Pathen kahi heuvin, Pathen helou namtin vaipi lah-a choi-at na kauma, leisetna choisanga kaum ding ahi.

¹¹Janelho Pakai chun eiumpiuvin, Jacob Pathen chu ikiselnao ahi. Selah