Read Thado Chin Labu 47 Bible Online

Labu 47 - Thado Chin bible

Labu 47

¹La lamkaipa henga Korah chapate Labol Vo nangho mipite jousen nakhut bengun, Pathen henga galjona aw thongin samun.

²Ajehchu hat chungnung Pakai chu gimneitah ahin, leiset pumpi chunga leng loupitah ahi.

³Aman mitin chu inoijuva asuh nemding, namtin chu ikengto noijuva akoiding ahi.

⁴Aman angailut Jacob loupina chu igoulo diuva alhending ahi. Selah

⁵Pathen chu aw ging pumin, Pakai chu sumkon gin pumin akitol toutai.

⁶Pathen vahchoi La tumgingto thon saovin, vahchoi La saovin ilengpao vahchoi La saovin, vahchoi La saovin.

⁷Ajehchu Pathen chu leiset pumpi leng ahin, hetnatoh thon tumgingin vahchoi La saovin.

⁸Pathen chu namtin chunga aleng changin, Pathen chu alaltouna theng chunga atouvin ahi.

⁹Mipi lah-a pipuho akikhom khomun, Abraham Pathen mite lah-a pipuho geijin akikhom khomun ahi. Ajehchu leisetna lumdal jouse Pathen'a ahin, ama chu nasatah-a choisanga uma ahi.