Read Thado Chin Labu 48 Bible Online

Labu 48 - Thado Chin bible

Labu 48

¹La, Korah chapate La Alen na chu Pakai bou ahin, chule athenna molsang, i-Pathen'u khopi-a chu loupi tah-a vahchoi ding ahi.

² Amun dinga hoitah, leiset pumpi kipana chu sahlam sanga Zion molsang, leng loupitah khopi chu ahi.

³Aleng inpiho sunga chun, Pathen chu kiselna-in akihei.

⁴Ajehchu veuvin, lengho chu akikhomun achemang gamtaove.

⁵Amahon hichu amuvin, chutichun adatmouvin; amaho alung khamun ache mangloi taove.

⁶Chuachun kichatle natna-in, numei anaoso natnin amat bangin amanchah taove.

⁷Nangman solama huijin, Tarshish kong inneiho chu nasumang gamtan ahi.

⁸Keihon kanajah bangun, janelho Pakai khopi sung, Pathen khopi sunga chun kamu taovin; Pathen'in atonsotna dinga atundoh ding ahi. Selah

⁹Vo Pathen nahouin sung lailunga chun, nalungset ngailutna thu kana ngaitouvin ahi.

¹⁰Vo Pathen, namin dungjuija napachat na chu kolmong geija umding ahin, nakhut jetlam chu chonphatna-a dimset ahi.

¹¹Nathu tanlhah naho jal-in Zion lhang chu kipah henlang, Juda chanute chu thanomu hen.

¹²Zion chu velkolun lang, akimvela kijotnun, chua insangho chu hilun.

¹³Ahung umkitding khangho henga nahil theina diuvin, nanghon akulpiho chu melchih-un lang, aleng inpiho chu ngaito temun.

¹⁴Ajehchu hiche Pathen hi tonsot atonsotna i-Pathen'u ahin; thi geija jong eipuihoi pau hiding ahi.