Read Thado Chin Labu 5 Bible Online

Labu 5 - Thado Chin bible

Labu 5

¹La lamkaipa henga, Nahiloth Lakaija David Labol O Pakai, kathusei neihin ngaipeh inlang, kalunggel neingaito peh-in.

²Ka lengpa leh ka Pathen, kakouna aw hi neingaipeh-in; ajehchu nahenga katao ding ahi.

³Ka-aw hi jingkah le najah ding ahi; O Pakai jingkahle chunglam vea nahenga taona kahin lhutding ahi.

⁴Ajehchu nangma gitlouna-a kipahji-a Pathen nahipon; thilse tojong chengkhom thei nahipoi.

⁵Namitmu-a mingol dingthei louding; nangin khansetna boljouse nahot ahi.

⁶Nangman jou seiho chu nasuhmang ding; Pakaiyin thisanso hat le milhemlha chu athet ding ahi.

⁷Ahinla keivang, namilungset haotah jeh-in na insunga chun hunglut ingting; chule nangma kichapumin na houin theng lam ngan nahin houvinge.

⁸O Pakai, kamelmate jeh-in nadihna-a chun neipuijin; kamasanga nalampi hinlhung jangin.

⁹ Ajehchu akam sunguva kitahna aumpon, asunglamu gitlouna adimin, alol homu lhan kihongsa ahin, aleijuvin amaho akiphatsei juve.

¹⁰O Pathen, amahohi, sumangin, athu hiluva amaho lhuhsah-in, Nangma nadoujeh ule asuhkhel nao tamtah jehchun, mipi lah-a konin amaho paidoh jengin.

¹¹Ahinla atahsanu nangma-a ngamdet jouse kipah uhen; Nangman amaho nahonbit jal-in kipanan ao vuhen, namin ngailuho jouse jong nanga kipah uhen.

¹²Ajehchu Pakai, nangman, michonpha phatthei boh-in natin, khotona-a lum banga nadal kimvel ding ahi.