Read Thado Chin Labu 52 Bible Online

Labu 52 - Thado Chin bible

Labu 52

¹ La lamkaipa henga David La bol Vo mithahatpa, nangmale nangma ibola thilphalou va naki thang-at ham? Pathen phatna chu tanglouva umjing ahi.

²Nalei hin samchem hemtah bangin jonchihna na atongin, chule lamvaina chu agongin ahi.

³Nangin thilpha sangin thilse nangailun, chule chonphatna seisangin jouthu nangailu jon ahi. Selah

⁴Vo lheplhahna lei, nangman bahgam thu jouse nangailun ahi.

⁵Chutobanga chu Pathen'in a-itih-a dinga nagamsah-a nalahmang ding, chule na chenna mun'a kona nabodoh-a, mihing gama kona nakaldoh ding ahi. Selah

⁶Michonphan jong amua, chule akichatna, anuisat ding ahi.

⁷Veovin, Pathen chu ahatna-a semloupa, ahi-a ninglhing setna ahaonaho tahsan na, gitlouna-a kisuhat mipa chu amahi ahi.

⁸Ahinla keimavang Pathen insunga olive thinghing tobang chu kahin, keiman Pathen hepina chu a-imatih channa din katahsanin ahi.

⁹Hichu nabol jeh-in a-imatih chanin nangma vahchoi jing ting, chule namin chu ngahjing tange; ajeh chu namithengte mitmu-a hichu phatah ahi.