Read Thado Chin Labu 56 Bible Online

Labu 56 - Thado Chin bible

Labu 56

¹ David La bol Vo Pathen, neihepin, ajehchu min vallhum din eigon, aman niseh-in eikisatpin eisugenthei jinge.

²Kamelma ten niseh in vallhum dingin eigouve; ajehchu eidouho chu tamtah ahiuve, vo chungnung pen.

³Kakichat tengle nangma tahsan inge.

⁴Pathen chu athu-in vahchoi jinge, mihemin i-eilo theiding ham? Pathen'a katahsan kangamtan kicha ponge

⁵Niseh in kathuho alakoijun, alunggel jouseu keima douna le setna ahi.

⁶Amaho akikhom khommun, kahinna ladinga eichan tengule, akiselun, kakholhah amelchih jiuvin ahi.

⁷Khan gitlouna-a kona ongthol diu hinam? Vo Pathen, nalunghanna miho chu seplhatan.

⁸Nangin kavalenaho namelchih-in, kamitlhiho nahai sungah nakhumin, hiho chu nalekhabu-a umcheh louham?

⁹Nahenga kaka phatle, kamelmate chu anungchon jiuve; hiche hi kahei, Pathen chu keija ahi.

¹⁰Pathen chu athu-in vahchoi jinge; Pakai chu athu -in vahchoi jinge.

¹¹Keima kicha taponge mihemin i-eilo thei dingham? Pathen'a katahsan kangam tai.

¹²Vo Pathen, nakihahselnaho kachungah aumin; keiman, nangma vahchoinaho peng kate.

¹³Ajehchu kahinna hi thina-a konin nahuhdoh tan; Pathen masanga hinna vah-a kavale theina dinga, kakenga kalhuh louna dinga nangin neihuhdoh lou ding ham?