Read Thado Chin Labu 57 Bible Online

Labu 57 - Thado Chin bible

Labu 57

¹ David La bol Neihepin, vo Pathen, neihepin, ajehchu kahinna-in natahsanin ahi. Hiche vangsetna ho kichai kahse-a, nalhalima kahoidoh na kasemding ahi.

²Pathen thil jouse eibol pehpa, chungnung pen Pathen henga chun taovinge.

³Vallhum dinga eigopa i-sah louva konchun, aman van'a konin hinsol intin eihuhhing ding ahi. Selah Pathen'in amihepinale athutah chu ahinsoldoh ding ahi.

⁴Kahinnahi keipi bahkaiho lah-a aumin, chule mei kihal khumho lahle, ahahou tengcha le thallung bang, aleiju chemjam hemtah tobang mihem chapate lah jenga jong chun kalumjin ahi.

⁵Vo Pathen, nangma vanho chungvuma kichoisangin, naloupina chu leiset pumpi chungvuma umhen.

⁶Amahon kakholhah na din lenthang aphaovin, kahinna hi alhadah-in; kamasanga kokhuh alaijun, chuche-a chun amaho alhalutnuve. Selah

⁷Kalungthim dettah ahi, vo Pathen, kalungthim dettah ahi, la sang ting chule vahchoina penge.

⁸Thoudoh-in, kaloupina, tumging le selangdah kithou vin, keima tah jong matah-in thouvinge.

⁹Vo Pakai, mipi ho lah-a nangma vahchoi jing ting; namtin lah-a nangma henga la sange.

¹⁰Ajehchu nahepina chun vanho apha-in; chule nathudih chu meilhang ho aphan ahi.

¹¹Vo Pathen, nangma vanho chungvum geijin kichoisangin, naloupi chu leiset pumpi chungvum ma umhen.