Read Thado Chin Labu 58 Bible Online

Labu 58 - Thado Chin bible

Labu 58

¹Al Taschith dinga, David Labol Vo mipi ho, nanghon tahbeh-a chonphat thu naseiju hinam? Vo nangho mihem chapaten, lungtheng sela thu natanu hinam?

²Henge, nalunguvin gitlou nabolun, leisetna hin nakhut-un hunam napan jiuvin ahi.

³Migilou chu naobu-a kona khensa ahin, apen penule jouthu seijin avahmangpai jitaovin ahi.

⁴Agu-u chu gulgu tobang ahin, amaho gulsum na-ngong kolseh tobang ahiuvin;

⁵cheho chun guldoi themhon itobang themin lhim jongleu jou pouvinte.

⁶Vo Pathen, akamuva aha-u chu subongin lang, vo Pakai, keipi bahkai donglaiho hapiho chu subongsoh-in.

⁷Tanglouva longjing twi bangin amaho junmang sah-in, athalchang kapdoh dinga athalpi ajetkon teng, ahal ahala kisat bahsah jengin.

⁸Twilung ajunmang bangin amaho abonchauvin mangthah uhen, aphatlouva nupi naonei, nimel mutheilou bang hiuhen.

⁹Nabel houvin lingsut ahet masang uva, aman alunghana-a ahing le ago abona chimpeija alhohmang ding ahi.

¹⁰Michonpha chun phulahna amutenguleh kipah intin, migilou thisana chu akeng akisil ding ahi.

¹¹Chutia chu mihemin michonpha din tohphat man aum mong monge atidiu ahin; tahbeh-a leiset chunga thutan Pathen chu ama ahi.