Read Thado Chin Labu 60 Bible Online

Labu 60 - Thado Chin bible

Labu 60

¹ David La bol Vo Pathen nangin neipaidoh-un nei thecheh taovin, nalung phamotai; O nangma keiho lammah hung kile kitan.

²Nangin leiset nahot lingin, nasukehjin; akhikeh jouse thoi bitnin, ajehchu akilingin ahi.

³Namite hi thil hahsatah namusahtan; lungdonna lengpitwi neidonsah taovin ahi.

⁴Thutah jeh-a tah langa aumtheina diuvin, nangma gingho chu ponlap khat napetan ahi. Selah

⁵Nalungset ho nahuhdoh theinadin nakhut jetnin huhhingin lang, chule neingaipeh in.

⁶Pathen'in athenna-in thu aseijin, keima kipah ingting, Shechem chu kahop khenna chule Succoth phaicham chu kahopdoh ding ahi, ati.

⁷Gilead le Manasseh hi keija ahin, Ephraim jonghi kalu thahatna ahin, Judah chu ka danthu pepa ahi.

⁸Moab hi kakisilna bel ahin, Edom chunga chu ka kengkoh kaledoh ding; Philistia, keima jal-in jona changin.

⁹Edom'a chu kon eilamkaija, khopi dettah-a chu kon eipuilut ding ham?

¹⁰Vo Pathen, eina paidoh uva chu nang nahilou ham? chule kagalsat houtoh kondohji Pathen chu nang nahilou ham?

¹¹Lungkham na-a konin neipanpin, ajehchu mihem panpinahi ahomkeo ahi.

¹²Pathen jala hangsan tah-a iboldiu ahi; ajehchu kamelma teo chotpha dinga chu ama ahi.