Read Thado Chin Labu 61 Bible Online

Labu 61 - Thado Chin bible

Labu 61

¹La lamkaipa henga, tumgingto tho-a sahdinga David Labol Vo Pathen, ka kana ngaijin lang, kataona neingaipeh-in.

²Kalungthim alhahdah tengle, leiset kolmonga patnin hinkou vingting, kei sanga sangjo songpi-a chun neipuijin.

³Ajehchu nangma bou kahoidoh na nahin, melma te-a kona insang det tah chu nahi.

⁴A-imatih chana keima nahoubuh sunga kaum jing ding; nalhaving noi kiselna chu tahsan inge.

⁵Ajehchu vo Pathen, nangin kakitepna neijah pehtan; namin gingho gamlo ding chu neipetai.

⁶Nangin lengpa hinkho nasaosah ding; chule akumho chu khang tamtah tobang hiding ahi.

⁷Ama Pathen anga tonsotna umjing ding; ama vettup ahithei nadin hepina le thutah chu gongtoh-in.

⁸Chutichun kitepnaho niseh-a kabol theina din, a-imatih chanin namin vahchoi La sajing tange.