Read Thado Chin Labu 64 Bible Online

Labu 64 - Thado Chin bible

Labu 64

¹La lamkaipa henga, David Labol Vo Pathen, kataona-a ka aw ngaijin, melmate ginna-a konin kahinkho hi neiventup peh-in.

²Mikhangse kithuhilna-a konle, khan gitlou natongho thilgona konin jong neiselin.

³Amahon aleiju chemjam bangin anol hemun, chule thu khatah ho kap nadin athalpihou ajekon uvin,

⁴Nolnabei mi chu guhthima akaptheina diuvin; amahon photlot louvin, kichalou helin ama chu akapmun ahi.

⁵Thilse lama amahole amaho akitil khouvun; guhthima thang kam nadin akihou jiuvin, kon amuding ham? atiuve.

⁶Amahon khan gitlounaho chu aholun, gunchu tah-a athil holu chu amolsouve. Amaho sunggil lam ngaitona le lungthimho chu thuhtah ahi.

⁷Ahinla Pathen'in amaho thalla akapding, photlot louva machangdiu ahi.

⁸Hitichun aleigui jeh uvin amaho mangthah-un tin, amaho mutapou chu jammang jengdiu ahi.

⁹Chule mijouse kichaovintin,Pathen natoh chu aphondoh diu ahi; ajehchu ama thilbol chu lungching tah-a angaitodiu ahi.

¹⁰Michonpha hochu Pakaiyah kipah untin, chule ama atahsan diu; milung dih ho jouse chu loupidiu ahi.