Read Thado Chin Labu 65 Bible Online

Labu 65 - Thado Chin bible

Labu 65

¹La lamkaipa henga, David Labol O Pathen, Sion'ah pachatnan na-ngah jingin, chule kitepna chu nahenga kimolso ding ahi.

²O nangma taona sang nahin, tahsa phe jouse nahenga hungdiu ahi.

³Khan gitlouvin eijou jing jengin; ka suhkhelnaho vang nangman nasop ngim ding ahi.

⁴Na-in hong sunga achentheina dinga, naheng nailut dinga nalhentum mi chu anunnome. Na insung phatna na houin theng ngeija chu kalungnao chimding ahi.

⁵Vo eihuh hingpao Pathen, chonphat na-a gimneitah thil kibol ho-a nei donbut nin natin; nangma kolkimvela jouse le, twipi chunga gamlatah-a miho tahsan chu nahin;

⁶Thanei na-a kong akigah-a, athahat na-a molsang ho tungdoh pa;

⁷Twipiho husan le twikinong husan, chule mipi tamtah husa gin suthip pa nahi.

⁸Kolmonga chenghon jong namelchihna ho chu akichauvin; nangman jingkahle nilhah jong thanom tah-a potdoh din nasemin ahi.

⁹Nangin leiset hi navilin, chule twi nachap kot jin; naning lhinset sah-in, Pathen vadung chu twi dimset ahin, nangin chutabang chu napeh phat chun, chang ahung umdoh-in ahi.

¹⁰Nangin damkom ho chu twi nanen sah-in, langkon mahaho naum sah-in, hichu gohongin nachapnemin, chua kehdohho chu phatthei naboh-in ahi.

¹¹Nangin kum chu naphatna-in nakhu-in, chule na lampiho chun sathao navat khumin ahi.

¹²Amaho chu gamthipma hampaho chunga avalhan, lhang neoho chu amun cheh-a akipah un ahi.

¹³Hamhina mun jouse-a chun gancha hon adimin; phaicham ho jong changin akhusoh-in, thanomin a-aovun, lajong asauve.