Read Thado Chin Labu 68 Bible Online

Labu 68 - Thado Chin bible

Labu 68

¹La lamkaipa henga, David vahchoi labol Pathen chu kipat henlang amelmate kithecheh uhen, ama hote jong chu amasanga jamuhen.

²Meikhu alencheh bangin, amaho lenmang sah-in, mei koma khoilu jollha bangin, Pathen anga migilouho chu mangthah uhen.

³Ahinla michonpha ho kipah-u henlang, Pathen anga thanomuhen; henge, nasatah-in thanom uhen.

⁴Pathen henga la saovinlang, tumgingto thon amin vahchoi La saovin; vanho chunga touva amina JAH kitipa chu choisangun lang a-anga kipah un.

⁵Achenna munthenga um Pathen chu, pabeite pale meithaiho thutan ahi.

⁶Pathen'in michangkhat chu inko lah-a akoijin, akihenho alhadoh-in; golkehho vang chu gamgoa achensah-in ahi.

⁷Vo Pathen, namite nahin lamkaija, gamthip nahinjot laichun, Selah

⁸ Leiset akihotnin, vanho jong Pathen angah achimlhan, Israel Pathen anga chun Sinai jengjong chu akihot tan ahi.

⁹Vo Pathen, nangin go nengtah-in najuhsah-in, hichea chun nagoulote ahatmo laitah-un nasudet tan ahi.

¹⁰Nangma mipi ho chu chua chun anachengun, vo Pathen nangin naphatna chu mivaichate dingin nagon peh-in ahi.

¹¹Pakaiyin thu apen; chuche thu phongjal ho chu hon lentah ahiuve.

¹²Lengte galmiho chu gangtah-in ajamtaovin; chule in'a um numei ho chu galla kichom dohho akihom taovin ahi.

¹³Belho lah-a lumji jongle chun, vakhu lha dangka-a kitom tobang le amul ho sana enga kitom tobang nahi nahlai dingu ahi.

¹⁴Hatchung nungin chua lengho athehcheh laichun, Salmon'a buhbang bangin abangin ahi.

¹⁵Pathen lhang chu Bashan lhang tobang ahin, lhang sangtah chu Bashan lhang tobang ahi.

¹⁶Nangho lhang sangho, ibolla kichom nahiuvem? Hichehi Pathen'in achenna dinga adei lhang chu ahi; henge, Pakai chu chukoma atonsotna chengding ahi.

¹⁷Pathen kangtalai chu sangsomni, vantil asang asangho ahin, Pakai chu muntheng Sinai'a tobang chun alah uva aume.

¹⁸ Nangma chungsanga nakaltouvin, gal hing chu gal hingin nakaijin, nangin miho din thilpeh nasangin, henge, doubolho-a dingin jong nasangin; hitia chu Pakai Pathen chu alah uva achentheina ding ahi.

¹⁹Niseh-a iphat chomna diu eipeuva Pakai, eihuh hingpao Pathen chu nunnom hen. Selah

²⁰I-Pathen'u chu huhhing-a Pathen ahin, thina-a kona hoidohna chu Pakai Pathen chun anei ahi.

²¹Ahinla Pathen'in amelmate luchang le, suhkhel na-a chejing pa samphatna lulei chu amavoding ahi.

²²Pakaiyin, Bashan gama konin hinpuikit ningting, kamite chu twikhanglen thuhtah-a konin pui kitninge, ati.

²³Hitia chu nakengu namelmate thisanna nadelut uva, chule na uichateu lei jongchu chutima hiding ahi.

²⁴Vo Pathen, amahon nache chu amuvin, ka Pathen le kalengpa, munthenga nachelaitah chu amuvin ahi.

²⁵Lasaho amasauvin, tumging tumhon anungu ajuijun, alah uva chun nungah khongcha bengho aumuvin ahi.

²⁶Mipi kikhom lah-a Pathen vahchoijun, tonsot Pakai chu Israel twinah-a konchun vahchoijun.

²⁷Chua chun Benjamin phungneo leh, avaipoteu; Judah pipuiho le avaipoteu, Zebulun pipuiho chule Naptali pipuiho chu aumuvin ahi.

²⁸Na Pathen'in nathahat chu thu apen; Vo Pathen, kadiuva neithil bolpeh-u chu hatsah-in.

²⁹Jerusalem'a na houin jala lenghon nahenga kipaman ahinchoi diu ahi.

³⁰Mijouse dangka nongho to ahung kipehlut masang seuvin; tengcha choi mihon ho, mipi ho bongnou jaonan bongchal tamtah ho, chu phohsalin lang, galbol ding dei miho chu thecheh-in.

³¹Egypt'a konin pipuho hungdoh untin, Ethiopia'in Pathen lamah akhut jahdoh vah tante.

³²Leiset lenggam hon Pathen vahchoi La saovin, Pakai vahchoina la saovin. Selah

³³Golluilai vanho le, vanho chunga toupa henga chun; veuvin, aman a-aw, thaneitah aw ahin lhadoh-in ahi.

³⁴Pathen henga nahatnao chu peuvin, athupina chu Israelte chungah aumin, chule ahatna chu meilom ho lah-a aumme.

³⁵Vo Pathen, namun thengho-a kona nangma tijat umtah nahi. Ama Israelte Pathen ngeitah chu amite thahatna le thilboltheina peji-a ahi. Pathen chu nunnom hen.