Read Thado Chin Labu 71 Bible Online

Labu 71 - Thado Chin bible

Labu 71

¹Vo Pakai nangma ah katahsan kangame, a-imatih chanin nei lungdonsah hih helin.

²Na chonphat na-in neihuhdoh inlang, neihoidoh sah-in, kaheng lama nana hin sung inlang, neihuh doh-in.

³Nangma kachenna dettah, kapansat jom jingna nahin, keima huhhing dingin nangman thupeh napei; ajehchu nangma kasongpile kakulpi chu nahi.

⁴Vo ka Pathen, migilouho, chonpha louho, chule mi-engse ho khutna konin neihuh doh-in.

⁵Ajehchu vo Pakai Pathen, nangma kakinepna nahin; kakhangdon laijapat nangma katahsanpa chu nahi.

⁶Nang jala naobu-a kona eina kituh-a ahin, kanu oisunga kona eiladoh-a jong nangma nahin; kavah choina tanglouva nanga hijing ding ahi.

⁷Mi tamtah-in kidang eisah-u ahin, ahinla nangma kakiselna dettah nahi.

⁸Nilhum keijin kakamhi nangma vahchoina le jabolna-in dimset jing hen.

⁹Kateh nungle neipaidoh hih-in, kathabei phatle neidalha lou jenin.

¹⁰Ajehchu kamelma ten keidouna thu aseijun, chule kahinna changlhiho akihou somun,

¹¹Pathen'in ama adalhatan, manin lang bolgen theijun, ajehchu ahuhdoh ding koima aumtapoi, atiuve.

¹²Vo Pathen, keija konin gamla hih-in, vo ka Pathen, eipanpi din hung loijin.

¹³Kahinna douho chu kisuh dongsah-in lang sumangin, kakisuh khah nading hol ho chu seisetle maimohna-in khukhum uhen.

¹⁴Ahinla keima vang kakinep jing ding, chule nangma kaha vahchoi cheh cheh ding ahi.

¹⁵Kakamin nilhum keijin nachon phatna le nami huhhingna phongdoh inge; ajehchu keiman ijat tah mong ahi kahepoi.

¹⁶Keima Pakai Pathen thahatna songin cheng ting, nangma chonphatna, nangma-a sehbou phapoh inge.

¹⁷O Pathen, kakhangdon laija patnin nangin neina hilin, tugeijin nathilbol kidangho chu kaphong doh-in ahi,

¹⁸kahatna hi hiche khang mite hengle, nathaneina hi ahung lhung dingho jouse henga kahetsah masangsen; vo Pakai tu kateh-a kalu akan phat jonghin, nangin neidalha hih-in.

¹⁹Vo Pathen, nang thil loupitah bolpa chu, nachon phatna jong asanglheh jenge, vo Pathen nang tobang koi umintem!

²⁰Nangma Lungkhamna lentahle nasatah eina musah pan, neisuh hal kit ding ahin, leiset thuhtah-a kona neipuitou kitding ahi.

²¹Nangin kaletna punsah-in natin, lamjousea eilhamon nin nate.

²²Tumging tothon navahchoi jinge, Vo ka Pathen, na thutah ngeichu vahchoi jinge; vo nang Israelte mithengpen, selangdah in nangma vahchoi jinge.

²³Nangma henga la kasah tengle, kamuhhi hapan kipah intin, chule nalhatdohsa kahinna hi hapan kipah inte.

²⁴Kalei jonghin nachon phatna nilhum keijin seijinte; ajehchu kasetna ding holho chu jachatna ah achutaovin ahi.