Read Thado Chin Labu 73 Bible Online

Labu 73 - Thado Chin bible

Labu 73

¹Asaph Labol Dihtah-in Pathen hi Israelte dingin aphan, milung thengtah hodingin jong aphan ahi.

²Ahinla keimadingin vang, kakengho amui lhagam kon ahitan, kakalsonho kalhonal ding koncha ahitai.

³Ajehchu migilouho phattheina kamuteng, mingol ho kathangse jin ahi.

⁴Ajehchu athi tengu jongle thohnatna himhim aneipouvin, ahin athahatnao adetjon ahi.

⁵Midang bangin hahsatna imacha anei pouvin, midang bangin thohgimna jong aneipouvin ahi.

⁶Hijeh chun kiletsahnan thihkhao bangin a-um kimvelu vin, hunam chun ponsil bangin atomuvin ahi.

⁷Athao jeh un amitnu alotdoh-in, lungin angaitophah kalval aneijun ahi.

⁸Amahon nehguh abolun, giloutah-in suhgentheina thu aseijun, hoithotah in apaovui.

⁹Van douna in akamkaovin, aleijun leiset pumpi achonsoh uvin ahi.

¹⁰Hijeh chun amite hilanga ahung akileuvin, chule twi khon dimset adon kangun ahi.

¹¹Chule amahon, Pathen'in iti ahetna, chule chungnung pena chu hetna umam? atiuve.

¹²Veovin, hiche hohi Pathen ngaisah louho ahiuve, amaho vannoi'a alolhingun, ahao cheh cheh uvin ahi,

¹³Tahbeh-in keiman kalunghi mohseh-in kasuthengin, kakhut hohi mona beijin kasile.

¹⁴Ajehchu nilhum keijin kathohgimin, chule jingsehle eikisehgimjin ahi.

¹⁵Keiman, chutobang chun seijinge, tijongleng, vetan, nachate khanggui kipalsah kahiding ahi.

¹⁶Keiman hichu hetdinga kangaito tengle, keidin anabehseh-in;

¹⁷Pathen munthenga kagalutna, akichainao kaga hetthem masangsen, kachutin ahi.

¹⁸Atahbeh-in nangin amaho mun nal ho-a nakoijin, manthah na-a napailhan ahi.

¹⁹Chomkah louva iti amaho mahthah hel jenga hitaovem! amaho tijat umtah-in akisumang heltaovin ahi.

²⁰Mangnei khat ahung khah doh banga; vo Pakai nakhahdoh tengle, chutobang chun alimu chu geldao tannate.

²¹Hitichun kalungthim ahesoh-in, chule kalunggil asunalheh-in ahi.

²²Keima mingol tah le kho hephalou kahin; namasanga gamsa tobangbou kahi.

²³Hijeng jongle nang toh kaum khom jingin, kakhut jet lamin neituh jingnai.

²⁴Nathumop machun neipuijin natin, chujoule loupi na-ah neisangin nate.

²⁵Van'a nang tailou koi dang kaneijem? Chule leisetna jong nang tailou kangaichat dang aumpoi.

²⁶Katahsa le kalungthim alosamtan; ahinla Pathen chu kalungthim thahatna le, tonsotna kachan ding chu ahi.

²⁷Ajehchu vetan, nanga kona gamla ho mangthah diu ahin; nangma najon san jouse chu nasumang tan ahi.

²⁸Keidin vang Pathen naihi apha ahin; nathilbol jouse kaphondoh theinadin, Pakai Pathen'a katahsana kangam tan ahi.