Read Thado Chin Labu 77 Bible Online

Labu 77 - Thado Chin bible

Labu 77

¹Asaph Vahchoi La bol Ka awn Pathen kakouve, ka aw-in Pathen ngei chu kakouvin, chule aman keilama ana asungin ahi.

²Kalung khamnin Pakai chu kaholin, kanatna kajanthoh lel-in, oltih kanei theipoi, kahinna jong lhepbi ding anompoi.

³Pathen kanageldoh-in, chuin kalungkhamin; kana kiphin in, chuin kalhagao lungdongin aumin ahi. Selah

⁴Kamit nahasah jingin, thusei theilou khopmin kalungkhame.

⁵Khangluilai thu, masanglai kumho chu kagah gelin ahi.

⁶Jana kalasah chu kageldoh kitnin, kalungsunga keile kei kakihouvin, kalhagaovin gunchu tah-in aholin ahi.

⁷Pakaiyin a-itih-a dinga aledoh dingham? chule akhohsahna chu umkit louhel ding hitam?

⁸Ahepina theng chu a-itih-a dinga kichai hitam? Athutep chu atonsotna dinga thonna hitam?

⁹Pathen'in lungsetna aneiding chu asuhmil hitam? ahepina lainatna chu alunghanin akhachah hitam? Selah

¹⁰Chule hichehi keima lhahsam ahi kanatin, ahinla chungnung pen khut jetlam kumho chu geljinging kate.

¹¹Pakai thilbolho chu kageldoh ding ahi; khanglui laija nathilbol kidangho chu geldoh tahbeh ingkate.

¹²Nanatoh ho jouse jong ngaito ingting, nathilbol ho houlimnan neijinge.

¹³Vo Pathen, nalampi chu munthenga aumin; i-Pathen banguva lentah Pathen koiham?

¹⁴Nangma thil kidangho bolji Pathen chu nahin nangman nathahat mitin lah-a naphong doh-e.

¹⁵Nabanin namite, Jacob le Joseph chate chu nalhatdohtan ahi. Selah

¹⁶Twiho chun namutaove, vo Pathen, twiho chun namutaove; amaho akichauvin, twi thuhho jong aki tihotsoh taove.

¹⁷Meilhang hon twi ahinlha lha uvin, vanthamjol hon aw ahinsodoh-un, nathalchangho aleng lahlah jenge.

¹⁸Navan ginchu van'a akithong lhungin, kolphen vannoi asalvah soh-in, leiset akithingin, akihotnin ahi.

¹⁹Nalampi twikhanglen'a aumin, nalam lhah twilenho sunga um ahi, chule nakhonung ho het ahipoi.

²⁰Nangin namite kelngoi hon bangin, Mosi le Aaron khutna nanapuijin ahi.