Read Thado Chin Labu 79 Bible Online

Labu 79 - Thado Chin bible

Labu 79

¹Asaph vahchoi La Vo Pathen, nangma helouho nagoulona sunga ahung lutnun, na houin theng asuboh uvin, Jerusalem chu alhuh-in asetaove.

²Amahon nasohte thilong chu chungleng vachate an dingin apeuvin, namithengte sa chu leija gamsaho apeuve.

³Athisanu chu Jerusalem kimvela twi bangin alongin, chule avui dingu koimacha aumpoi.

⁴Kaheng kakomhou housetnin kaumun, kakimvel uvaho nuisatle totnop nabep kahiuve.

⁵Itih channem, Pakai? Atonsotna nalunghang ding hitam? Nathangthipna chu mei banga kongding ham?

⁶Nangma hephalou namho chung le, chule namin phapohlou lenggam ho chunga nalung hanna chu bunglha tan.

⁷Ajehchu amahon Jacob chu abah gammun, achenna mun kamhelin alha taove.

⁸Oh, masanglai kakhan gitlouna houchu geldoh hih-un, nahepinaho thahat chun neihoidoh loijun, ajehchu keiho hatah-a eikisu nemu ahitai.

⁹Vo eihuh hinguva Pathen, namin loupina dingin neipanpi uvin, namin jal-in kachonsetnahou sungimin lang, neihuhdoh uvin.

¹⁰Ipidinga Pathen hephalouhon a-Pathenu hoibaham atidiuham? Sohte thisan kiso phulah na-in, kamitmuvin Pathen hephalouho lah-a hin amachu hetnin umhen.

¹¹Akihenho khoisatna chu na-angsung hung lhung hen, nathil bolthei natsat bangtah-in, thidinga gotsaho chu huhdoh-in;

¹²Chule vo Pakai amahon nahouset nao chu, ajat sagin kaheng kakomte angsunga lethuh-in.

¹³Chuti chun namite keihole nahamhing lah-a kelngoiten, a-imatih chanin nangma thangvahna peuving ting, akhang akhangin napachat na musahjing taovinge.