Read Thado Chin Labu 81 Bible Online

Labu 81 - Thado Chin bible

Labu 81

¹Asaph La bol Itha hatnao Pathen hengah gingtah-in la saovin, Jacob Pathen henga kipa aw thonsah-un,

²vahchoi La saovinlang, khongcha tum gingun, selangdah ngeitoh, tumging toh tho uvin.

³ Lhathah, kitepna phat, i-kutpi nikho houva sumkon mut uvin.

⁴Ajehchu Israelte dinga hichehi chondan kisem chu ahin, Jacob Pathen dinga dan chu ahi.

⁵Hichehi Joseph chunga photchetsah na-a, Egypt gam sunga achedoh laija anasuhdet chu ahin, chu-a chun kahetlou paokhat kanajan ahi.

⁶Alengkou chu pohgih-a konin kalahdohpeh in, akhut chu belho-a konin akihuhdoh tai.

⁷ Lungkham nin neikouvin chule kahuh doh-e, keiman munthipma kithong lenglung ginin kahin donbutne, Maribah twija chun nangma kana patepme. Selah

⁸Ngaijuvin, vo kamite kapatep dingu nahiuve, vo Israel, kathu nangai uva ahile,

⁹ Nalah uva gamdangmi Pathen himhim umlou ding ahin, gamchom pathen himhim nahoulou dingu ahi.

¹⁰Keimahi Egypt gama kona napuidoh uva, tonsot Pakai na Pathen'u chu kahi; Nakam kalen uvin chule keiman kadipdim ding ahi.

¹¹Ahinla kamiten ka aw angaipouvin, chule Israelte khatchan eideipouve.

¹²Chutichun alung ngaichat nao lama kapedoh-in, chule amahotah kithumop dungjuijin achontauve.

¹³Ohe, kamiten kathu ngaijuhen, chule Israel hi kalampi ho-a che hitavele!

¹⁴Agalteu kasot kun loija, chule akidoupiteu chunga kakhut kanalap ding ahitai.

¹⁵Pakai hotbolte chu ahenga kipelut chehdiu; ahivanga aphatnu chu a-imatih channa umjing ding ahi.

¹⁶Aman suhlou chang tuipena amaho avahding; chule keiman songpi-a kon khoijua chu nangma ka lunglhaisah ding nahi.