Read Thado Chin Labu 85 Bible Online

Labu 85 - Thado Chin bible

Labu 85

¹Korah chapate La bol Pakai nagam chunga lungsetna naneijin; sohchanga Jacob chu nahin lepui kittan ahi.

²Nangin namite khan gitlouna nangaidamin, achonsetnao jouse namelkhutan ahi. Selah

³Nalunghanna jouse naladoh-in, nalungsat gimneitah chu nakihei mang khumtai.

⁴Vo eihuh hingpao Pathen, neilehei jinlang, kachunguva nalunghan bangtan.

⁵A-imatih channa kachunguva nalung hanjing ding ham? Nalunghan chu khangjousea naso dohsah jing ding hitam?

⁶Nangman namite kakipana diuva, neisuhhal kit loudiu ham?

⁷Vo Pakai nahepina chu neimusah unlang, nahuhhingna chu neipeuvin.

⁸Pakai Pathen'in ahin thusei ding chu ngaijing kate, ajehchu amite le amithengte henga chamna thu aseiding ahin; ahinla amaho ngolna lama kiheikit daohen.

⁹Adihtah-in igam uva loupina aumtheina dingin, ami huhhing na chu ama gingte henga ahungnaijin ahi.

¹⁰Hepina le thutah akimuto lhonin, chonphatna le chamna akichopto lhone.

¹¹Leisetna konin thutah kehdoh intin, chule chonphat na-in van'a kona ahinvet suh ding ahi.

¹²Henge, Pakai chun thilpha chu hinpentin, chule igamuhin aga ahin punsah ding ahi.

¹³Chonphatna chu amasanga chentin, chule akholhahna lampia eichesah diu ahi.