Read Thado Chin Labu 86 Bible Online

Labu 86 - Thado Chin bible

Labu 86

¹David Taona Vo Pakai nana hin sung inlang neingaipeh-in, ajehchu keima vaicha le lhasam kahi.

²Kahinna hi neikheh peh-in, ajeh chu keima atheng kahi; vo ka Pathen, nangma tahsana nasohhi huhhingin.

³Vo Pakai neihepin, ajehchu niseh-in nangma kakoujinge.

⁴Nasoh hinkhohi kipasah-in; ajehchu vo Pakai, nangma-a kahinna kapedoh-e.

⁵Ajehchu Pakai nangma naphan, ngaidam dinga kigojing nahin, nangma nakoute jouse chunga hepina dimset nahi.

⁶Vo Pakai kataona-a hin nana hinsungin, chule kathumna awcheng hi ngaiphan.

⁷Kalungjina nikho leh nangma kakou ding nahi; ajehchu nangman neidonbut ding ahi.

⁸Vo Pakai pathen ho lah-a nangtobang khatcha aumpon; chujongle nathilbol tobang bola jong khatcha aumpoi.

⁹ Vo Pakai nasemsa nam jouse chu hungintin, na-anga chibai aboh uva, namin achoi-at diu ahi.

¹⁰Ajehchu nangma naloupin, thil kidangtah naboljin; Nangseh bou Pathen nahi.

¹¹Vo Pakai, nalampi neihilin, na thutah-a chon inge, namin kagin theina ding lungthim pumkhat neipen.

¹²Vo Pakai ka Pathen, kalung pumpin nangma vahchoi jing ting; chule a-imatih chana namin kachoi-at jing ding ahi.

¹³Ajehchu nahepina keidingin alenin; chule kahinna hi thikholkhul noinung penna konin nahuhdoh tai.

¹⁴Vo Pathen, keima dounan mi kiletsahho akipanun, pumhat manga mipi kikhom mihon kahina aholun, chule amasanguva nangma nakoipouve.

¹⁵Ahinla vo Pakai, nangma lainatpina le lungsetna, thoh hat, thutah, chule hepina dimset Pathen chu nahi.

¹⁶O, kahenga hungkiheijin lang neihin hepin, nasohhi nahatna penlang, nasohnu chapahi huhhingin.

¹⁷Aphatna dingin melchihna neimusah-in, chutile eihot bolten hichu muvintin, chule jahcha taovinte; ajehchu Pakai nangman neina kithopin chule neina lhamonin ahi.